تكررت شكاوى عدد من ملاك مشروعات شركة الأهلي صبور خلال الفترة الأخيرة من تأخر التسليم وعدم تجاوب الإدارة العليا، مطالبين بتدخل الجهات الرقابية وتعويضهم عن سنوات الانتظار.
تأخير تسليم الوحدات
واستغاث أحد عملاء شركة “الأهلي صبور” للتطوير العقاري من تأخير تسليم وحدته السكنية لمدة تقترب من 5 سنوات، رغم التزامه بسداد كامل الأقساط المستحقة عليه وفق العقد المبرم في مارس 2018.
موعد الاستلام حسب العقد
وقال العميل في شكواه: “متعاقد من مارس 2018 وموعد الاستلام حسب العقد كان آخر 2022. خلصت كل أقساطي واخدين فلوسهم على داير مليم. إحنا حالياً في يونيو 2026 وده منظر عمارتي. لما أسأل هستلم إمتى يقولوا آخر 2027 لو صدقوا في كلامهم”.
وأضاف: “تأخير 5 سنين على الاستلام هل ده مقبول أو منطقي؟ مين يعوضني الـ5 سنين دي ووقف الحال؟ لما نيجي نتكلم مع الشركة نلاقي عدم اهتمام وعدم تقدير، وكأننا ضيوف تقال على قلبهم”.
وانتقد العميل طريقة تعامل الشركة مع الملاك، قائلاً: “إنتوا عايشين وبتقبضوا من فلوسنا ولما نطالب نقابل رئيس الشركة أو من ينوب عنه يرفضوا ويخلونا نقابل موظف لسه شغال من قريب. أكبر غلطة إني وثقت في اسم الأهلي صبور واشتريت معاهم”.
واختتم شكواه: “يارتني كنت روحت اشتريت من مقاول عادي كان هيلتزم أكتر عن الأهلي صبور”.
وطالب العميل، بتحديد موعد تسليم ملزم وتعويض عن سنوات التأخير، ومقابلة مسؤول رفيع المستوى بالشركة بدلاً من موظفين جدد، إلى جانب معاملة الملاك بتقدير واحترام بعد سدادهم كامل الثمن، مؤكدا أن شكواه تمثل صوت عدد من الملاك في نفس المشروع الذين يعانون من نفس الأزمة.
مش عارفين هنستلم امتى
وجه أحد عملاء شركة “الأهلي صبور” للتطوير العقاري استغاثة شديدة اللهجة، منتقداً تأخير تسليم وحدته رغم تعاقده منذ 2018 وسداده كامل الأقساط.
وقال العميل: “لما يكون صاحب الشركة عضو مجلس شيوخ وبيعمل كده في عملاءه. تعاقد 2018، استلام 2022، وإحنا في يونيو 2026 ولسه مش عارفين هنستلم إمتى رغم نهاية كل الأقساط”.
وأضاف في شكواه موجها حديثه للمسؤولين: “فينك يا رياسة وفينك يا ريس من شقانا اللي بيتسرق وإحنا مغلولي الأيدي مع نواب المجلس الموقر اللي المفروض اتعينوا عشان الشعب؟!”.
وكان العميل قد أكد في شكوى سابقة أن موعد التسليم بالعقد كان آخر 2022، لكن الشركة أبلغته أن الاستلام سيكون “آخر 2027 لو صدقوا في كلامهم”، رغم انتهائه من سداد كامل ثمن الوحدة.
نرشح لك.. بشرى للمواطنين.. شقق جاهزة وتسليم فوري ضمن الإسكان الاجتماعي
