قالت رفيدة حمدي زوجة الناشط السياسي المحبوس محمد عادل، إنه تم الحكم اليوم على عادل بأربع سنوات.
وأضافت حمدي خلال تدوينة لها عبر موقع التواصل الاجتماعي فيسبوك: “منعًا للبس؛ سنتين و7 شهور فقط محسوبين من مدة الحكم، وهي المدة اللى قضاها محمد عادل ع ذمة القضية المحكوم فيها اليوم”.
وكانت رفيدة حمدي، قالت في تدوينة سابقة: “القضية دي تهمتها الرئيسة نشر أخبار كاذبة.. وعادل حُبس ع ذمتها بالفعل سنتين و7 شهور، وأخلت المحكمة سبيله منها بكفالة 10 آلاف”.
وأوضحت حمدي: “كمان يوم 13 سبتمبر جلسة تجديد حبسه على القضية التانية اللى هي نفس تهم القضية المنتظر الحكم فيها.. وطبعا في قضية ثالثة عشان ماحدش يقول علينا حاجة، قرار النيابة فيها كان يُحبس عليها فور إخلاء سبيله”.
وتابعت: “الحقيقة مش عارفة ناقص وقت قد أيه عشان نخلص من كل ده، أحنا مش بنتكلم على كام شهر حبس ولا على سنة ولا سنتين، مع إن المفترض محدش يتحبس يوم واحد بدون جريمة أحنا بصدد استكمال 10 سنين سجن”.
وأكملت: “رقم مخيف ومرعب والمرعب أكتر لما تكتشف أن عمرك راح، 10 سنين كده اتشطوا من حياتك طب ليه؟ أهو كده.. 10 سنين سجن وهم ونكد وتوتر وقلق وكل المشاعر السلبية بشكل متصل، 10 سنين كابوس، كفاية”.
