علقت جهاد أحمد، زوجة مؤدي المهرجانات عصام صاصا، على الانتقادات التي طالتها عقب ظهورها على مواقع التواصل الاجتماعي بعد الحكم على زوجها بالسجن بتهمتي التزوير والقيادة تحت تأثير المخدرات.
زوجة عصام صاصا تستغيث
ونشرت زوجة عصام صاصا مقطع فيديو عبر حسابها الشخصي بموقع تبادل الصور والفيديوهات «انستجرام» من خلال خاصية «الاستوري»، وقالت خلاله: «الكلام بيفرق في النفسية سواء حلو أو وحش، وبلاش كلامكم السخيف».
وتابعت زوجة مؤدي المهرجانات: «أنا عندي أهل وابن، وجوزي كان مخليني مش محتاجة أي حاجة، وأنا برضو هخليه مش محتاج حاجة، وهموت نفسي شغل ليل نهار علشان أي حاجة جوزي يطلبها تبقى موجودة».
زوجة عصام صاصا تكشف وضع اسرتها المالي
وكشفت جهاد وضع أسرتها المالي، قائلة: «بلاش تقولوا هي الفلوس اللي معاكم راحت فين.. في فلوس محامي، وفلوس دية اتدفعت في 4 شهور، وكان حالنا واقف، عندنا 3 بيوت مفتوحين والرجال في البيت مش موجودين، قدروا ده. أنا مبطلعش أشحت أو أقول لحد هات جنيه، أنا بطلع اشتغل».
وعن حضورها عزاء نجل المطرب الشعبي إسماعيل الليثي، قالت زوجة صاصا: «أنا امبارح رحت عزاء وعملت الواجب، وبعد كده نزلت شغل وطلعت لايف مع صحابي، ده مش معناه إني مش زعلانة. بعيد عن إنها صاحبتي، أي حد هيشوف حادثة زي دي هيتأثر وهيزعل، وأنا براعي حرمة الميت وظروف صاحبتي، بس أنا برضو ظروفي بتخليني ملزمة أنزل الشغل».
حيثيات حبس عصام صاصا وشقيقه سنة بتهمة التزوير في محرر رسمي
حبس عصام صاصا
وكانت قد أصدرت محكمة جنايات جنوب الجيزة يوم 29 من أغسطس الماضي، حكما بمعاقبة مؤدي المهرجانات عصام صاصا وشقيقه بالسجن لمدة سنة مع الشغل، كما عاقبت المتهم الثاني والثالث غيابيا بالسجن لمدة 10 سنوات في قضية تزوير توكيلات.
وصدر القرار برئاسة المستشار مدني دياب مهران وعضوية المستشارين وائل فاروق، وسمير صلاح، وأحمد عبدالعاطي الشافعي، وسكرتارية أيمن أحمد عبداللطيف وهاني حمودة.
حبس عصام صاصا بتهمة تعاطي المخدرات
وفي وقت سابق، قضت محكمة جنايات الجيزة المنعقدة بمجمع محاكم زينهم، بحبس مطرب المهرجانات عصام صاصا 6 أشهر في تهمة تعاطي المخدرات، وانقضاء الدعوى المدنية في قضية الدهس بالتصالح.
