نفت جهاد أحمد زوجة مطرب المهرجانات عصام صاصا، ما تردد عن طلبها خلوة شرعية بزوجها بعد حبسه، وذلك بعد الأخبار التي انتشرت مؤخرًا عبر مواقع التواصل الاجتماعي.
وأشارت زوجة عصام صاصا في فيديو عبر حسابها بموقع «إنستجرام»، بعدم صحة تلك الأخبار المتداولة مؤكدة أنها عارية تمامًا من الصحة، موضحة أن كل ما في الأمر أنها طلبت تصريح زيارة لزيارته كونها لم تزره منذ فترة.
واستطردت قائلة، «مش عارفة ابدأ الموضوع منين، بينزل عليا أخبار كذب كتير ومكنتش حابة أطلع أتكلم غير لما أطمن على عصام لحد ما نزل خبر إني طلبت خلوة شرعية به، وده كدب، والحقيقة أننا بقالنا فترة ماشفناهوش وطلبت تصريح زيارة أنا ومامته علشان نشوفه، فليه التحريف والكذب، مشيرة إلى قيامها بإتخاذ جميع الإجراءات القانونية ضد من أذاع وروچ لتلك الأخبار».
وأضافت: «دخلنا في أعراض ومكنتش حابة أتشغل في حاجة زي دي دلوقتي وتركيزي مع مشكلة جوزي، والموضوع دخل في سياق تاني خالص، والكومنتات وحشة، وليه التشهير بسمعة وأعراض الناس».
وصرحت زوجة عصام صاصا: «أنا أخدت إجراء قانوني ضد كل من حرف تصريحات، وضد كل أكونت شهر بيا وبسمعتي، والنقطة التانية اللي عاوزة أتكلم فيها هي كونك تكره شخص ميسمحش لك تغلط فيه وتسوأ سمعته».
ونوهت: «أنا أخدت إجراء ضد أكتر من أكوانت بيسوأ في سمعتي وبيشهر بيا، وده حقي ومش مسموح حد يسيئ ليا ولجوزي، ومش هسمح حد يتكلم عليه ومش هسمح حد يغلط فيا أو يسوأ سمعتي».
واختتمت زوجة عصام صاصا: «أنا متضايقة ومش عارفة أنا أذيت مين علشان يتقال عني كده، أنا عندي مشاعر وبزعل ولما يتقال عليا كلام وحش بزعل، لكن لازم أوقف المهزلة دي لأن البلد فيها قانونية، وبنفي صلتي بأي خبر كاذب نزل، أنتم بتتكلموا في عرض وحاجة مش مسموح بيها وأنا مصرحتش بيها».
