زوجة عصام صاصا، تصدرت جهاد أحمد زوجة مؤدي المهرجانات تريند مواقع التواصل الاجتماعي، في الساعات الأخيرة، وذلك بعد شائعات طلبها «خلوة شرعية» مع زوجها داخل السجن، من المحكمة.
زوجة عصام صاصا: البلد فيها قانون وبنفي صلتي بأي خبر كاذب
زوجة عصام صاصا تطلب خلوة شرعية من المحكمة
وتداولت مواقع التواصل الاجتماعي في الساعات الأخيرة، أنباء تُفيد بطلب جهاد أحمد زوجة مؤدي المهرجانات عصام صاصا خلوة شرعية مع زوجها، داخل السجن.
حقيقية طلب زوجة عصام صاصا خلوة شرعية
وخرجت زوجة عصام صاصا عن صمتها، بعد انتشار تلك الشائعات، ونشرت مقطع فيديو عبر حسابها الشخصي بموقع تبادل الصور والفيديوهات «إنستجرام»، ترد من خلاله على مروجي تلك الشائعات.
وقالت زوجة مؤدي المهرجانات في الفيديو: : «مش عارفة ابدأ الموضوع منين، بينزل عليا أخبار كذب كتير ومكنتش حابة أطلع أتكلم غير لما أطمن على عصام لحد ما نزل خبر إني طلبت خلوة شرعية به، وده كدب، والحقيقة أننا بقالنا فترة ماشفناهوش وطلبت تصريح زيارة أنا ومامته علشان نشوفه، فليه التحريف والكذب؟».
زوجة عصام صاصا توجه رسالة مؤثرة لزوجها بعد أزمته الأخيرة
وتابعت: «دخلنا في أعراض ومكنتش حابة أتشغل في حاجة زي دي دلوقتي وتركيزي مع مشكلة جوزي، والموضوع دخل في سياق تاني خالص، والكومنتات وحشة، وليه التشهير بسمعة وأعراض الناس؟».
زوجة عصام صاصا تتخذ إجراء قانوني ضد مروجي الشائعات
وأوضحت جهاد أنها اتخذت إجراء قانوني ضد مروجي تلك الشائعات، قائلة: «أنا أخدت إجراء قانوني ضد كل من حرف تصريحات، وضد كل أكونت شهر بيا وبسمعتي، والنقطة التانية اللي عاوزة أتكلم فيها هي كونك تكره شخص ميسمحش لك تغلط فيه وتسوأ سمعته».
حبس عصام صاصا
وكانت قد أصدرت محكمة جنايات جنوب الجيزة يوم 29 من أغسطس الماضي، حكما بمعاقبة مؤدي المهرجانات عصام صاصا وشقيقه بالسجن لمدة سنة مع الشغل، كما عاقبت المتهم الثاني والثالث غيابيا بالسجن لمدة 10 سنوات في قضية تزوير توكيلات.
وصدر القرار برئاسة المستشار مدني دياب مهران وعضوية المستشارين وائل فاروق، وسمير صلاح، وأحمد عبدالعاطي الشافعي، وسكرتارية أيمن أحمد عبداللطيف وهاني حمودة.
حبس عصام صاصا بتهمة تعاطي المخدرات
وفي وقت سابق، قضت محكمة جنايات الجيزة المنعقدة بمجمع محاكم زينهم، بحبس مطرب المهرجانات عصام صاصا 6 أشهر في تهمة تعاطي المخدرات، وانقضاء الدعوى المدنية في قضية الدهس بالتصالح.
