طالب المحامي أحمد فوزي، بضرورة منح الناشط السياسي علاء عبد الفتاح مساحة من الراحة والتعافي بعد الإفراج عنه، بعيدًا عن الضغوط السياسية والإعلامية.
وقال فوزي في تدوينة له على «فيسبو»: «علاء محتاج أنه يرتاح كتير ويشوف حياته وأبنه، ومستقبله، يتعافى، الفترة اللى يحددها، أما الناس الى بتحب علاء و بتحب عيلته، و بتحب النضال، ومنتصب القامة أمشى، الناس تنساهم شوية وبالذات علاء، علاء مش التنين البمبى، ولا مانديلا الوجه البحرى، و لا قاطرة التغيير، وقول يا علاء قول الحق، ولا صحفيين شطار يحاولوا يطلعوا من علاء كبد الحقيقة، لأن لا فى كبد و لا فى حقيقة، ومفيش حاجات ضخمة هتتغير لو علاء قال أى حاجة أو مقالش».
الإفراج عن علاء مش خسارة لحد
وانتقد فوزي بعص الناس التي تعارض خروج المفرج عنهم، ومن يتعامل مع قرارات العفو كأنها خسارة شخصية، قائلاً: «سيبوا الشاب يشم نفسه و يتعافى و يرتاح ، مفيش أى حاجة حتحصل لو سبنا الناس، لأن فى ناس مش بتنام الليل، لما حد بيطلعله عفو رئاسى أو حد بيخرج، كأنه نقصت عنده حتة اكسسوار من المخزن، وبيتابعه وبيقعد يقول مش قولت ميخرجش أنا قولت ميخرجش».
وضرب مثالا بفيلم الأرض 5 أيام، مضيفا: «زى محمد أبو سويلم كده فى فيلم الأرض 5 أيام مينفعوش، نرجو الرحمة، الطابور طويل لما بتظبط مع حد غيره دوره بيجيى، فنسيب الفرحة تخش التاكسى».
واختتم المحامي حديثه بالقول: «أنا لا أكتب أو أتحدث وفق ما يطلبه المستمعون، بل بما أراه صوابًا، ومنذ زمن وأنا أتمسك بذلك المبدأ، خاصة أننا جميعًا مقبلون في النهاية على وجه كريم».
إقرأ أيضا: «القومي لحقوق الإنسان» يكشف تفاصيل العفو الرئاسي عن علاء عبد الفتاح وعدد من المحبوسين
