تتواصل شكاوى عدد من عملاء شركة WE عبر مواقع التواصل الاجتماعي بشأن سرعة استهلاك باقات الإنترنت المنزلية إلى جانب انتقادات تتعلق بجودة الخدمة وآلية التعامل مع الشكاوى.
وتصدر هذا الملف اهتمام عدد من المستخدمين بعد منشور لإحدى العميلات التي روت تفاصيل تجربتها مع الشركة، ليتحول المنشور إلى مساحة شارك خلالها عشرات المستخدمين تجاربهم وآراءهم بشأن الخدمة.
عميلة تروي تفاصيل تجربتها مع شركة WE
وعبرت مواطنة تُدعى “سارة ياسين” عن استيائها الشديد من خدمات الإنترنت لدى شركة WE ومن مستوى خدمة العملاء، وكتبت عبر حسابها على “فيسبوك”:
“من أبشع شركات النت عمومًا، وأنصح أي حد ما يتعاملش معاهم، ولو في إيدك تغيرهم من دلوقتي ما تستناش أكتر من كده.
لا عندهم حل للمشاكل ولا حتى ذوق في التعامل، حرفيًا مفيش مشكلة بتتحل، جم غيروا الأسلاك والراوتر عشان الفايبر، الاختراع الفاشل الجديد بتاعهم، عشان يلموا فلوس راوتر جديد إجباري، وكمان جابوا الراوتر بايظ.
وبعد شهرين شكاوى ما جوش غير لما عملنا شكوى في الجهاز القومي للاتصالات، ودفعونا الفاتورة وشغلوا النت بعد 21 يوم من دفع الفاتورة، يعني ضيعوا علينا الشهر اللي دفعناه، ويقولوا لنا مفيش تعويض.. إحنا مالنا؟! وموظف خدمة العملاء أسلوبه بشع.”
تفاعل واسع مع المنشور
ولاقى المنشور تفاعلًا كبيرًا من مستخدمي مواقع التواصل الاجتماعي، حيث شارك عدد من العملاء تجاربهم مع الخدمة.
وقالت إحدى المستخدمات: “250 جيجا خلصوا في 15 يوم ومحدش بيقعد في البيت منهم لله”.
وأضافت أخرى: “النت ضعيف تروحوا تجيبوا ناس من الوسط الفني ولاعيبة الكورة يعملوا لكم إعلانات بالملايين وييجوا عند المواطن الغلبان الشقيان وكمان زودتوا عليه الرصيد وقللتوا عليه سرعة النت ده اللي هو إزاي؟ مش فاهمة يا جماعة ارحمونا”.
وكتب مستخدم آخر: “الموضوع بقى مقرف، والخدمة زبالة”.
وأضاف آخر: “والله عندك حق الشركة للأسف مش كويسة ولما يخلص الشهر يقطعوا عنك الخدمة ولما ما تكملش الباقة ولسه ليك أقل حاجة ربعها تروح عليك.. شغل نصب والله”.
كما علق مستخدم آخر قائلًا: “فعلاً أسوأ شركة، الباقة بتتبخر بسرعة، بجد حرام عليهم.. حسبي الله ونعم الوكيل فيهم”.
فيما كتب آخر: “شركة نصابة.. محتاجين يشتكوا لجهاز حماية المستهلك”.
شكاوى متكررة من عملاء شركة WE
وتأتي هذه التعليقات في ظل تكرار شكاوى عدد من مستخدمي الإنترنت المنزلي بشأن سرعة نفاد الباقات وجودة الخدمة وسط مطالبات من العملاء ببحث هذه الشكاوى والعمل على تقديم حلول لها بما يضمن تحسين مستوى الخدمة.
اقرأ أيضا.. ضبط المتهم في واقعة التحرش بسيدة داخل إحدى عربات مترو الأنفاق
