قال المدون والكاتب وائل عباس، إن ذكرى ثورة يناير “عيد غصب عن أي حد، حتى لو مسحوه من النتيجة اللي عالحيط”، مضيفًا: “يوم الشعب صحي ووعي، وعرف مين اللي بيضره ومين اللي معاه، رغم أنها كانت فترة قصيرة، واللي معاه الفلوس والقوة واللي بيلعب بعواطف الدين رجعوا شوشوا الصورة تاني ورجعونا ألف خطوة لورا”.
وأضاف عباس خلال تصريحات خاصة لـ”الحرية”: “اللي مؤمن بالثورة يحتفل بيها زي أي عيد مهم، عيد الأضحى أو عيد القيامة أو شم النسيم؛ ألبسوا جديد، ألبسوا ملون، هاتوا لعيالكم شيكولاتة وحلويات ولعب وبلالين ولبس لو تقدروا، ها يسألوكم بمناسبة إيه؟ قولولهم”.
وتابع: “خلوها ذكرى حلوة يستنوها، اجزوا من الشغل، زوروا بعض، اخرجوا اتفسحوا وودوا اللي تحبوهم، اعملوا أكل واعزموا”.
واختتم عباس: “الثورة مش لازم تبقى نزول للشارع وفيه يفط وزعيق وخناق، بلونة وباكو شيكولاتة ممكن يضايقوا ألف ظالم حاول ينسينا، وهيعرف أن الحق حي والوعي المصري حي، وأن فيه جيل هيورث الراية”.
