سعاد حسني، تصدر اسم السندريلا تريند محركات البحث «جوجل» في الساعات الأخيرة، وذلك بعدما أثارت المخرجة إيناس الدغيدي الجدل من جديد حول نهايتها وسبب وفاتها الذي شغل الرأي العام لسنوات عديدة.
إيناس الدغيدي تثير الجدل بعد حديثها عن المساكنة.. ما القصة؟
هل سعاد حسني انتحرت؟
وحلت المخرجة إيناس الدغيدي ضيفة على برنامج «القرار» والذي تقدمه الإعلامية نادية الزعبي على شاشة قناة «الغد»، وتطرقت خلال حديثها عن العديد من الموضوعات منها سبب وفاة السندريلا سعاد حسني.
وقالت إيناس الدغيدي خلال الحلقة: «سعاد حسني انتحرت، أنا أعرف سعاد حسني كويس جدًا وأنا ضد مقولة تقتل لأن سعاد حسني لا يمكن حد يقدر يقتلها لأن هي كانت شخصية جميلة من جوه، وتبقي متغاظة منها وهتتجنني لأنها تأخرت وتيجي كأنها معملتش حاجة».
وتابعت الدغيدي: «سعاد حسني من كتر الضغط في الفن كانت بتاخد مهدئات من وهي عندها 44 سنة، ومتذكرة كويس أوي فيلم حب في الزنزانة أنا كنت مساعد مخرج فيه وكانت سعاد على طول بتاخد مهدئات عشان مش عاوزة تسمع اللي بيحصل ولا المشاكل، وحتى لما بيكون في كارثة بينها وبين مخرج تدخل تاخد حباية، وبقولها لكل الناس المهدئات دي في الاخر بتوديكي للانتحار».
وأضافت: «سعاد حسني انتحرت لأن العمر ده كله كانت بتاخد مهدئات، وهي نجمة كبيرة وليها جمهورها، لما شافت نفسها أنها مابقتش نجمة وأن شكلها اتغير والمرض عمل فيها كده عشان كده انتحرت، لكن قصة قتل سعاد حسني أنا ضدها على طول الخط، واحنا كنا دايمًا بنقول في اتنين هينتحروا في السينما سعاد حسني وأحمد زكي ليه لأن هما فنانين أوي ومابيخططوش لأي حاجة في الدنيا ومزاجيين جدًا، وأحمد زكي الوقت مأسعفوش ومرض ومات، لكن سعاد حسني النبوءة تحققت».
ميس حمدان ترفض تجسيد سيرة سعاد حسني وترحب بـ نوال السعداوي
سعاد حسني
وتعد السندريلا واحدة من أهم النجمات في تاريخ السينما العربية، وقدمت خلال مسيرتها الفنية أعمالا مميزة، معظمها دخل ضمن قائمة أفضل 100 فيلم في تاريخ السينما المصرية.
ومن أهم الأعمال في مسيرة السندريلا: الزوجة الثانية، خلي بالك من زوزو، القاهرة 30، غروب وشروق، للرجال فقط، المشبوه، حب في الزنزانة، غريب في بيتي، الجوع، شفيقة ومتولي، وكان آخر أفلامها «الراعي والنساء»، الذي عرض عام 1991.
