أثارت الفنانة مها أحمد جدلاً واسعاً على صفحات مواقع التواصل الاجتماعي، بسبب تصريحاتها الأخيرة، والهجوم الذي شنه عليها رواد مواقع التواصل.
تصريحات مثيرة
وكانت آخر تصريحات مها أحمد في فيديو عبر تيك توك، قالت به: ” “أنا مسامحة كل اللي بيغلط فيا واللي شتمني، ومجدي جوزي شاري دماغه معندوش نت وولا شايف جمهور ولا إعلام وأنا بحترمه”.
وكانت أبرز تصريحات مها: “أنا مش هينفع اتعالج على نفقة الدولة مع إني فنانة مصرية وده حقي لكن لو اتعالجت على نفقة الدولة هتتنمروا عليا وتقولوا بتاخد دواء الغلابة، أنا عايزة اسافر اشتغل بره عند شيخة تشوفني وتكتشفني وتشغلني عندها، علشان انتم متنمرين انا هتفسح واتدلع وأكيدكم”.
وفي فيديو آخر، قالت: “”أنا ربنا ميزني الناس كلها بتسعى إنها تدخل الجنة وأنا ضامنة جنة أنا مهما أعمل ضامنة جنة، وهروح كدا وابني اللي انتوا بتقولوا عليه مريض هيبقى واقف كدا، إنما إنتي ياللي بتتنمري ممكن عقاب ربنا يبقى كبير عليكي وتصحي مرة واحدة تلاقي ولادك كلهم عندهم ضمور في المخ”.
هجوم على مها بسبب فيديوهات التيك توك
كان من أبرز المهاجمين لمها، الإعلامية مروة صبري التي قالت: “لو الناس بتنصحها بحاجة من حبهم فيها، لكن الغريب والصادم إنها ترد على المتابعين اللي بيحبوها اللي هما كانو جزء أساسي وكبير في شهرته”.
وتابعت: “إنها تقول يا جماعة أي حد هيكلمني كلمة مش عاجباني هديله بالشبشب، وألفاظ وأسلوب غريب، أنا مش عارفة أقول إيه اقطعو النت عن مها أحمد”.
وانتقدت ياسمين الخطيب تصريحات مها، وقالت: “أناشد المسشتر تركي آل الشيخ بالاستجابة العاجلة لطلب مها، شوفولها شغلانة تنتشلها من السقوط والهوان، اللي يبدو إنها ألفتهن وتعفينا إحنا من قلة القيمة ومن لسانها اللي بيدلدق قلة أدب ووقاحة، إيه يا شيخة القرف ده”.
