الفنانة سمية الخشاب تصدرت التريند على جميع مواقع التواصل الاجتماعي، بسبب هجوم المذيعة مروة صبري عليه، لرسالتها للدعم طلاب الثانوية العامة بعد ظهور النتيجة، وقالت فيها إن الشهادة لا أهمية لها، الأهم هو الحصول على الأموال.
سمية الخشاب تتعرض للهجوم من المذيعة مروة صبري
هاجمت المذيعة مروة صبري الفنانة سمية الخشاب بسبب تصريحاتها عن الثانوية العامة ونصائحها للطلاب التي قالت فيها أن الشهادة لا أهمية لها الأهم هو الحصول على الأموال.
سمية الخشاب تتدعم طلاب الثانوية العامة
والبداية عندما كتبت سمية الخشاب تغريدة عبر حسابها الشخصي على موقع “إكس”، رساله دعم ونصائحها للطلاب الثانوية العامة بعد ظهر النتيحة قائلة:”روقوا وانبسطوا محدش واخد منها حاجة، هتنجحوا وتتخرجوا وهتلاقوا نفسكوا بتشتغلوا في مجال تاني خالص ملوش علاقة بشهادتكم، عشان كدة بقولكم متزعلوش على أي حاجة وربنا يوفقكم”.
نزعاج المذيعة مروة صبري من سمية الخشاب
ومن جانب آخر، انزعجت المذيعة مروة صبري، من نصائح سمية الخشاب للطلاب، فقامت بمهاجمتها في برنامجها “قعدة ستات”، حيث قالت: “الناس في الثانوية العامة بتبقى محتاجة تشجيع ودعم اتفاجئنا بالفنانة المحترمة سمية الخشاب في عز الخوف والرعب والطلاب قاعدين بيذاكروا، والأهالي بتدفع دم قلبها على الدروس ومرعوبين على أولادهم ونفسهم يجيبوا أعلى المجاميع، بتقولهم ولا تعليم ولا شهادة ولا نيلة اللي معاه فلوس هو اللي هيقدر يصرف على نفسه والشهادة هتعلمها قرطاس طعمية”.
وأكدت: “أنا قلت الصفحة بتاعتها اتسرقت أكيد مفيش فنانة مصرية اسمها معروف وعملت بطولات تطلع تقول نصيحة زي دي للطلاب، أي حد مشهور في المجتمع إحنا بنبقى واخدينه قدوة وبنبقى شايفين إنه بيتكلم صح في ناس بتحبه وبتسمعه، إذا بكلمة منك ممكن تدعمي بتوع ثانوية عامة وأهاليهم وبكلمة منك ممكن تحبطي بعض الناس ولكن اعتقد أن مفيش حد ممكن يأثر فيه التصريح اللي إنتي كاتباه لأن دا تصريح ميطلعش من فنانة ولا يطلع من إنسان عايش على وجه الأرض طبيعي”.
وتابعت: “إنك تقولي للعيال الغلابة اللي قاعدين بيذاكروا ونفسهم ينجحوا ويعملوا أحسن حاجة والأبهات اللي فلوسهم يا عيني رايحة على الدروس الخصوصية وعايز ابنه أو بنته يبقوا أحسن الناس ويحققوا أحسن النتايج ويدخلوا أحسن الكليات وتطلعي تقوليلي في الآخر هتعملها قرطاس طعمية ولا قرطاس لب دا كلام،
وأكدت:” للأسف إني اتأكد أن الصفحة بتاعة سمية الخشاب متسرقتش وأن البوست دا هي اللي كاتباه دي من الحاجات الغريبة جدا، ومتسمعوش كلام سمية الخشاب الشهادة مهمة وبتحدد مصير”.
صلاح العزب لـ«الحرية»: لا يوجد تعارض بين الأعمال التي ستحكي قصة سفاح التجمع
سمية الخشاب تنصح صلاب الثانوية العامة
ومن الجدير بالذكر، حرصت سمية الخشاب، على تقديم رسالة دعم لطلاب الثانوية العامة 2024، وذلك بعد ظهور النتيجة، حيث طلبت منهم يفرحوا ويتفسحوا لأنهم سوف يعمل في مجال آخر يختلف عن شهادته وعن ما كان يحلم به، وجاء ذلك عندما كتبت تغريدة عبر حسابها الشخصي على موقع “إكس”، كما تفاعل عدد كبير مع التغريدة.
وكما سبق وقالت رسالة لطلاب الثانوية العامة قبل أداء الامتحان 2024، أن التعليم والشهادات لا تحدد مصير شخص، لكن من وجهة نظرها الناجح هو من ينجح في الحصول على الأموال، ومن خلال ذلك يستطع أن يتزوج ويسافر ويحقق كل شئ.
وجاء ذلك عندما كتبت تغريدة عبر حسابها الشخصي بموقع التدوينات القصيرة “إكس”، معلقة:” التعليم مبيحددش مصير ولا نيلة، بتعرف تجيب فلوس، هتعرف تتجوز وتسافر مبتعرفش يبقى الشهادة هتقرطسها وتحط فيها طعمية”.
ذكرى ميلاده.. أبرز المحطات الفنية في مشوار الفنان كريم عبد العزيز
آخر أعمالها
وشاركت في بطولة مسلسل ب100 راجل، تم عرضه في رمضان الماضي 2024، وشاركها في العمل محمود عبد المغني، نانسي طلاح، سما إبرهيم، محمد القس، أحمد صيام، والعمل من تأليف محمود حمدان، ومن إخراج إبرام نشأت.
