“محمد رضا بوبو” يتهم مسئولي «فيوتشر» بعدم دفع مستحقاته المالية وقيمتها ٤ ملايين جنيه

نشر محمد رضا بوبو لاعب فيوتشر السابق، المنضم حديثًا إلى نادي بيراميدز، علي صفحته الرسمية عبر ” فيسبوك” انتقادًا حادًا لمسئولي نادي فيوتشر.

وكتب بوبو عبر “فيسبوك” “الساعه 11 بالليل الناس قابلتني من نادي فيوتشر وقالولي عامل إيه يا رضا عايزينك تمضي ورقتين، ورقة مخالصة والاستغناء قولتلهم الاستغناء حاضر همضي، مفيش مشكلة امال إيه اللي يخليني أمضي مخالصة وأنا لي ٤ مليون و 200 ألف جنيه”

وأضاف ” مسئول بنادي فيوتشر قعد يكلمني ولازم تمضي ولازم تمضي أقول له إزاي ياكابتن أمضي مخالصة وأنا لي فلوس قلت مش همضي ومشيت ومضيت على الاستغناء جالي اتصال امضي وأنت فلوسك عندي أنت وزملائك إللي ماشييين، هنيجي ونسلم عليكم وتاخدوا الشيك بالدولار زي باقي الفرقة ونشكركم أكيد، امضى بس، واتفقت مع الاتنين اللي كانوا معايا عشان كنا متفقين إننا هنعمل كل حاجه بالاتفاق مع بعض، فقالوا هنضمي كلنا ونروح التلات ناخد الفلوس و مضينا على الورقة.

وتابع ” جاء يوم الثلاثاء لقينا اللعيبة كلها أصحابنا اللي في الفرقة طلع لهم فلوس وكل واحد شيك ماعدا إحنا التلاتة المعاريين إللي مشيو من النادي.
وأكد بوبو” اتصلت بالشخص ده قلت له الشيك بتاعنا إمتى قال بالليل، فيه ناس الصبح وناس بالليل وانت بليل قلت له ماشي.
وأضاف بوبو” جه بالليل كلمته قال لي الصبح فضلت على الحال ده كل يوم يوم يقول لنا التلات الجاي ييجي التلات يقول الأسبوع الجاي ييجي الأسبوع الجاي يتقال بكره، وعلى الحال ده ف حد مشكور طبعًا بدون ذكر اسمه قال لي أنا بحبك وأنت أخويا الصغير، لو أنت مفكر إنك طلع لك فلوس يبقى بتحلم ”

وأضاف في آخر البوست “على العموم حسبي الله ونعم الوكيل في كل واحد أكل حقي وتعبي اللي شقيت فيه سنتين، تعبت وسفر هنا ولعبنا أفريقيا وخدنا بطولة، وطلعنا مركز رابع سنتين يعني الحمد لله ماقصرتش في حاجة، بس فكرة إن حد ياكل حقك دي صعبة اوي وأنا زعلان لأن مشفتش التقدير”