كتبت منة عثمان :
دافع الفنان حسام حبيب عن زوجته الفنانة شيرين عبد الوهاب بعد تعرضها لهجوم من شقيق الملحن الراحل محمد رحيم، عبر “استوري” على حسابه الرسمي في إنستجرام، حيث وجه حبيب انتقادات لاذعة لشقيق رحيم، متسائلًا عن تصرفاته الإعلامية خلال الفترة الماضية.
وقال حبيب في رسالته: “بجد هو في كده؟ أخ أثناء موت أخوه؟ وزي ما هو قال دمه ما بردش، بيقولك إحنا من عادتنا في الظروف دي ما نتفرجش على حاجة، وهو داير على كل البرامج. حاجة غريبة وسايب كل ده وماسك في ذلة لسان وما سمعش وما خدش باله إنها كرمته وافتخرت بشغله معاها، وطلبت من آلاف الحضور وملايين المشاهدين قراءة الفاتحة والدعاء له”.
وتابع حبيب : “كلنا عملنا كده علشان هي فكرتنا، يا راجل ده انت ما عملتهاش، مسك في غلطة مش مقصودة واعتذرت عنها في وقتها،هو فيه كده؟ بس عاوز أسألك سؤال: هو حضرتك طلعت في كام برنامج وكام مداخلة من ساعة الوفاة؟ وهل كانت مدفوعة الأجر أم بدون؟ وآخر طلب: ممكن نشوف شهادة الدكتوراه؟ ولو حضرتك مش عاوز تجاوب، انت أكيد حر، وفي حالة عدم الجواب… أكيد الكل ها يفهم”.
هذا التصريح أثار جدلًا واسعًا بين المتابعين، حيث انقسمت الآراء بين متضامن مع حسام وشيرين وبين متحفظ على أسلوب الرد.
