تعقد محكمة جنايات القاهرة، اليوم الأحد، جلسة النطق بالحكم علي أحمد ياسر المحمدي، لاعب الريان القطري في قضية الاعتداء على فتاة قاصر، فى دولة قطر.
قضية أحمد ياسر المحمدي
تعود بداية القضية الخاصة باللاعب أحمد ياسر المحمدي إلى 18 مايو 2021، بعد أن تقدمت فتاة إنجليزية تسمي “إليانور جاد سبينسر هارتي” بتقديم بلاغ في قسم شرطة مدينة خليفة بدولة قطر، يفيد باتهام اللاعب أحمد ياسر المحمدي بالتعدي عليها.
وقامت السلطات القطرية بالقبض عليه، ولكن تم إخلاء سبيله حتى يتم إجراء الكشف الطبي عليها وإثبات صحة أقوالها والاتهام الموجه من عدمه، قبل أن يصدر الإنتربول مذكرة بالقبض على المحمدي، قبل أن يقرر بالعودة إلى مصر.
وقد أصدرت الجهات القضائية بدولة قطر بمخاطبة الإنتربول من لإرسال مذكرة إلي الجهات الأمنية المصرية، تنص بالقبض على أحمد ياسر المحمدي واستكمال التحقيقات معه بتهمة الاعتداء على فتاة جنسيا.
أحمد ياسر المحمدي مع فتاة أجنبية
قامت النيابة العامة بوسط القاهرة بفتح التحقيقات مع اللاعب الذي أنكر جميع الاتهامات المنسوبة إليه حول إجباره الفتاة على معاشرته.
حيث قام بنفي جميع الاتهامات المنسوبة إليه خلال 7 ساعات متواصلة في التحقيقات، مؤكدا عدم معاشرته الفتاة مقدمة البلاغ رغما عنها، مدعيا أن المجني عليها صديقته.
أحمد ياسر المحمدي يعتدي على قاصر
أقر اللاعب أحمد ياسر المحمدي، خلال تحقيقات القضية باعترافاته عن تفاصيل الواقعة بالكامل، حيث قال: “حسابي على تطبيق إنستجرام مفتوح للكل، وتعرفت من خلاله على فتاة بعد ما عملت لي متابعة وأنا كمان، ومتواصلتش معاها أبدا، وكنت في الفترة دي بجهز لحفلة عيد ميلادي، وعزمت ناس أصحابي وبنات أعرفها في قطر، وبعدها فكرت أعزمها من باب التعرف عليها”.
وتابع أحمد: «البنت كانت جميلة وشعرها أصفر وتواصلت معاها على إنستجرام وعزمتها وقولت لها ممكن تجيبي أصحابك كمان، وقالت لي إنها هتيجي العيد ميلاد، وأخدت رقمها وبعتتلي لوكيشن بيتها عشان أروح أجيبها، ولما روحت البيت كانت الخدامة بتاعتي ماشية، والبنت سألتني على حاجة نشربها، قولت لها عندي وجبت الشيشة وعملت لها كاس وقعدنا لوحدنا مكنش لسه في حد جه».
وأكمل قائلا: «شيشت أنا وهي قعدت تهزر معايا وبعدها واحد صاحبي جه البيت وقعد معانا وعرفتهم على بعض، وطلعت عشان أغير هدومي قبل الحفلة وهي جت معايا تشوف بيتي، ولقيتها قعدت على السرير وبعدها مارسنا علاقة كاملة برضاها، ولما قومت أغير هدومي لقيتها بتقول إنها مكنتش عايزة كده، وساعتها نزلت من الأوضة وكانت ماشية، قلت لها: مش هتحضري العيد ميلاد؟ قالت لي: لا أنا عندي شغل الصبح».
وتابع: «حضرنا حفلة عيد ميلادي وبعدها تاني يوم قسم الشرطة كلمني وقالي متقدم فيك بلاغ تعدي على فتاة، وروحت واتحقق معايا وقلت إن كل حاجة كان برضاها واتحبست هناك واتحكم عليا وبعدها في الاستئناف خدت براءة من تعاطي الكحوليات وحبس 5 سنين في التعدي عليها، وساعتها رجعت مصر وفضلت قاعد في بيت أخويا، وسافرت شرم الشيخ وهناك اتقبض عليا واتعرضت على النيابة».
