في خطوة جديدة بقضية صفع الفنان عمرو دياب لشاب خلال حفل زفاف، حرر محامي الفنان عمرو دياب، اليوم الأحد، محضرا بقسم شرطة التجمع الأول، ضد الشاب المصفوع لقيامه ب«قرص عمرو دياب » ومضايقته في حفل زفاف ابنة المنتج محمد السعدي.
قصة صفع شاب على يد عمرو دياب
بعد فيديو واقعة الفنان عمرو دياب تساءل رواد مواقع التواصل الاجتماعي، عن هوية الشاب الذي صفعه عمرو دياب في الفيديو الذي انتشر على مواقع التواصل الاجتماعي، عندما حاول إلتقاط صورة معه.
كسب هذا الشاب، تعاطف رواد مواقع التواصل الاجتماعي، وهو سعد أسامة، شاب من مواليد محافظة الأقصر، مقيم في القاهرة، كان من احدى المعازيم في فرح ابنة المنتج محمد السعدي.
تفاجأ سعد أسامة، بصفع عمرو دياب له، مما جعله لم يأخذ ردة فعل في نفس الوقت بعد صفعه، ولكنه عندما أدرك ما حدث توجه أسامة إلى إدارة الفندق الذي أقيم فيه حفل الزفاف، لتقديم شكوى ضد الهضبة، ولكن إدارة الفندق لم تتقبل شكواه، ولم يهتموا بالأمر.
كما صرح الشاب محمد سعد أسامة، صاحب واقعة الصفع من عمرو دياب في أول ظهور صحفي له:«أنا حزين جدا أنا واحد معجب كنت عاوز اتصور معاه مش أكتر من كدة.. الحركة اللي حصلت منه مش لطيفة خالص ولا تليق بواحد تفكيره زي عمرو دياب».
وأضاف سعد: «الناس كلها بتتصور معاك مين اللي بينجحك؟ احنا اللي بنخليك تريند.. مين اللي طلعك فوق وحققلك مشاهدة؟ احنا اللي بندي قيمة للواحد.. أنا مش بشحت منك ولا بقولك هات حاجة لله.. أنا بحبك وعاوز اتصور معاك والتليفون أنا كنت رافعة عشان معطلوش وكنت مستني الشغل أما يخلص اتفاجئت أنه اداني بالقلم على وشي».
وتابع الشاب صاحب واقعة الصفع من عمرو دياب:«عاوز أمسح الفيديو باي شكل الواحد خجلان من الموقف، أنا محرج وسط أصحابي.. موقف مش لطيف أنا دلوقتي رايح أشتكيه في النقابة الأول وأشوف أي اجراء رسمي عشان أعوض حقي في اللي حصل».
وأوضح سعد، سبب شده لملابس عمرو دياب الفنان:«أنا مقرصتوش أنا كنت بحسسه أن في حد واقف جنبه عاوز يتصور معاه مش أكتر من كدة.. حطيت ايدي على ضهره عادي، أنا بحبه جدا مش بغرض أي شيء آخر لكن اتفاجئت برد الفعل ».
واختتم حديثه:«كنت معزوم في فرح رجل الأعمال عامر جنوب.. وأنا كنت بحب عمرو دياب جدا على طول بسمع أغانيه، وكان في بالفرح فنانين كتير، ومقومتش من مكاني لكن هو اللي قررت أقوم أصوره لايف عشان أبقى فاكرها».
فقررت نقابة المهن الموسيقية، إجراء اجتماع عاجل بحضور النقيب مصطفى كامل ورئيس مجلس الإدارة، بشأن صفع عمرو دياب، لأحد المعجبين خلال إحياء حفل زفاف.
