وجه بعض من الفنانين والمذيعين انتقاداً كبيراً لشقيق الراحل محمد رحيم بعد تصريحاته في بعض وسائل الإعلام التي أثارت غضبهم وإستفزازهم.
انتقادات نجوم الفن لشقيق رحيم
حيث كتبت المطربة مي فاروق منشور عبر حسابها الرسمي بموقع التواصل الاجتماعي فيسبوك قائلة:«الله يرحمك يا غالي، يا ذوق يا محترم، عشت كبير ومحترم وهتفضل كده مهما حاولوا والله. لما بيحصل كده بعد ما مشيت، أمال كان إيه اللي حاصل وانت عايش؟!»
وتابعت:«ربنا رحمك عشان طيبتك وجمالك وما تستاهلش القـ رف ده. اللي بيحصل ده مش لاقيه ليه اسم، لا دين، ولا ذوق، ولا أدب.. ده مش دم ده ميه!».
واستكملت: «حد يعالج الراجل ده، ولا يشوفوله حتة يقفلوا عليه؟ كفاية قـ رف! كل حاجة مردودة والله، احترم اللي كنت عايش تتشرف إنك على اسمه، ولا نفسك في الشهرة وبتركب تريند على سيرة وسمعة إنسان الدنيا بتتشرف بيه؟».
واختتمت: «منتهى الرخص والقـ رف.. حسبنا الله ونعم الوكيل، كله مردود. أخص والله.. ألف أخص».
كما علق غاضباً المخرج محمد العدل على شقيق رحيم قائلاً:«يا أخ طاهر رحيم عيب عليك اللي بتعمله في سيرة أخوك، أنت إزاي كده، أخوك ميستحقش كده أبدًا منك ولا من أي حد».
كما كتب أيضاً محمد العمروسي مستنكراً ما فعله في العزاء شقيق محمد رحيم قائلاً:«اخو محمد رحيم إنت متاكد انك اخوه بجد أنا شايف ان الغريب زعلان عليه اكتر منك الله لا يسمحك».
وعلقت الإعلامية مروة صبري قائلة:«اخو الملحن محمد رحيم لازم يتحبس بتهمه التفاهه و الهيافه و التشهير و المتاجره ب راجل راح للى خلقه».
كما انتقدت الفنانه رانا سماحة ما فعله شقيق محمد رحيم، معتبره ما حدث إستغلال لاسمه قائلة:«ربنا يرحمك يا رحيم يا محترم يا طيب، عشت سيرتك زي الفل وسبت محبة في قلب كل إلى حواليك.. ده انت طلعت كنت شايل كتير يا جدع القريب والغريب.. ويشاء القدر وفاتك تبين للناس كلها انت كنت شايل إيه».
وأضافت:«وكل إلى بيحاول يستغلك يتعرى في العلن قدام كل الناس وتخلي إلى يعرفك والي ميعرفكش يدعيلك بالرحمه ويزود حبك في قلوب إلى حواليك.. ادعوله بالرحمه والمغفره.. وادعوا لزوجته ولأولاده بالصبر على الابتلاء ويهون عليهم وجع الفراق».
