أعلنت وزارة التربية والتعليم والتعليم الفني، عن إجراء تعديل بنتيجة الثانوية العامة 2024 وقائمة الأوائل، وذلك بعد قرار وزارة التربية والتعليم، بإضافة درجتين لسؤال بالفيزياء رقم لطلاب الثانوية العامة شعبة علمي.
تعديل نتيجة الثانوية العامة 2024
وقالت، إنه جار الآن تعديل نتيجة الثانوية العامة 2024 وإعلانها مرة أخرى على الموقع الرسمي لوزارة التربية والتعليم، بعد تعديل الدرجات للطلاب.
مفاجأة.. تعديل نتيجة الثانوية العامة 2024 وإعادة ترتيب الأوائل
تعديل نتيجة الثانوية العامة يثير غضب الطلاب وأولياء الأمور
وأثار زيادة الدرجتين على مجموع طلبة الثانوية العامة بالشعبة العلمية وتعديل النتيجة، غضب الطلاب وأولياء الأمور، ورواد مواقع التواصل الاجتماعي، وذلك بسبب زيادة الدرجات بعدما تم فتح موقع التنسيق الإلكتروني لطلاب المرحلة الأولى، وحصول الطلاب على الشهادات من المدارس.
وجاءت تعليقات أولياء الأمور على ما تم تداول بشأن تعديل نتيجة الثانوية العامة 2024، كالتالي: «هو إيه العبث دا !!! طب واللي كان حاللها (ج) زي النموزج و دي اجابة غلط اصلاً، و واخد الدرجتين بتوع السؤال قبل كدا و هياخد كمان الدرجتين الزيادة دول يعني ٤ درجات ، ١% زيادة عن حقه و هو حالل السؤال “غلط أصلاً ».
فيما علقت إحدى أولياء الأمور قائلة: «هو بغض النظر عن أن بنتي خدت درجتين في الفيزياء والمجموع زاد الحمد لله..بس اللي بيحصل ده كارثة بكل المقاييس يعني ايه سؤال إجابته غلط هو اللي حاطط نموذج الاجابه المفروض مستشار مادة الفيزياء ويتصحح الورق وتطلع الاستمارة وبعدين يكتشفوا أن الإجابة ب وليست ج .طب اللي حاصل على 60 في الفيزياء المفروض أنه حل السؤال ج موقفه ايه الان ..ويا ترى هو ده الخطأ الوحيد ولا في أخطاء أخرى لم تكتشف..واضح أن التصحيح الالكتروني دقيق فعلا».
وعلق آخر متعجبًا: «ايه اللي بيحصل في الفيزياء دا يا جماعه 5 اسالة ب 8 درجات تتعدل بسبب اخطاء في صياغة نموذج الاسألة السؤال السادس بدرجتين يتعدل بعد ما النتيجة تعتمد رسميا و تظهر ع المواقع و الشهادات تنطبع بسبب خطأ في نموذج الاجابة و تلاقي نفسك داخل موقع التنسيق بدرجة زيادة درجتين عن الدرجات الفعلية كدا 10 درجات و في 10 درجات رأفة كمان يعني 20 درجة.. دي ظواهرة كونية بتحصل مرة واحده في التاريخ و كلها حصلت في نفس السنة».
وكتبت أخرى: «تهريج فعلا حط امتحانات غلط ومافيش مراجعه عليها ولا عارفين الاجابات ايه لما الناس نزلت على الفيس بوك بعد النتيجه ب٥ ايام اكتشفوا انه غلط!!! فهيزودوا الناس درجتين في مادة الفيزياء للى حالل الاجابتين قمة المسخرة والعبث عايزين يعجزوا الطلبة هوووب عجزوا نفسهم ومش عارفين الحل ولا الصح».
وعبرت أخرى عن غضبها قائلة: «قمة المهزلة بجد على طلبة علمى بصفه عامه الكشف على نتيجتهم مره ثانية فيه تعديل فى درجات الفيزياء فجأه كده هاتلاقى مجموعك زاد درجتين هما فعلا درجتين بس هيفرقو مع طلبة كتير جدا».
بينما جاء تعليق آخر لإحدى أولياء الأمور تطالب بحق الطلاب، كالتالي: «المفروض الناس متسكتش علي المهزله دي حق ولادنا لازم يرجع وزاره عقيمه».
تنسيق الثانوية العامة 2024
وجدير بالذكر أن التنسيق الإلكتروني للثانوية العامة 2024 بدأ اليوم الإثنين 12 أغسطس 2024، حيث بدأ طلاب الثانوية العامة في تسجيل الرغبات على موقع التنسيق الإلكتروني من خلال الرابط المباشر من هـنـــــــــــا، وذلك بشكل مجاني، من خلال حاسبهم الشخصي على مدار 24 ساعة، أو معامل الحاسب الآلي خلال مدة العمل الرسمية من 9 صباحًا، حتى 3 عصرًا.
