أثار خبر طلاق ياسمين عبد العزيز وأحمد العوضي جدلًا كبيرًا خلال الساعات الماضية، إذ تصدر اهتمامات جمهور السوشيال ميديا على نطاق واسع.
من جانبه؛ كشف الطبيب النفسي مينا عزت، في منشور عبر حسابه الشخصي على موقع التواصل الاجتماعي «فيسبوك»، لغز انفصال أحمد العوضي وياسمين عبد العزيز، قائلًا: “يعني ايه حد يبقى لسه كاتب تهنئة عيد ميلاد لزوجته وبعد ساعات يكتب خبر طلاقهم ؟!!”.
وتابع الطبيب النفسي: “نفسيًا كل واحد فينا بيبقى ليه احتياجات محدش يعرف مقاسها غيره، وبالتالي محدش هيقدر يشبع احتياجاتك غير نفسك هي الأقدر على فهمك والخطأ في التفكير بيحصل معانا لما بنتوقع أن الآخر هيشبع احتياجاتي ذى ما أنا متوقع وده مستحيل يحصل، لأن محدش هيفهمك غير نفسك فانتظار شيء معين بذاته من الآخر مش هيحصل بنفس التوقع، ومن هنا يحصل صدمة لأن سقف التوقعات ماحصلش بنفس المقاس اللي أنا محتاجه”.
واختتم: “المناسبات ذى أعياد الميلاد بتكون هي الأكثر وضوح في انتظار إشباع الاحتياجات بالشكل اللي أنا متوقعه والآخر مش فاهم، إلى جانب ده درس يوضح لنا حقيقة مهمة وأكدتها نتائج العديد من الأبحاث العلمية، أن اللي بيكتب كتير عن أحداث إيجابية على الفيسبوك عن نفسه وينشر صور كتير معبرًا عن سعادته هو تعبير داخلى عن عكس مايظهره للناس”.
