خرج المؤلف عمرو محمود ياسين منذ قليل بتصريحات حول مسلسله “وننسى اللي كان”، مؤكّدًا أنه يقرأ الكثير من التعليقات على السوشيال ميديا ويضحك أحيانًا من سذاجة ما يُكتب.
وقال:”بقرا كتير بوستات وتعليقات عبيطة وبضحك من سذاجة المكتوب.. كلمتين هقولهم… عمر ما حصل ولا هيحصل إني أكتب الدراما بتاعتي لخدمة أهداف محددة.. لا حصل ولا هايحصل، ولا عمر ده اتطلب مني أصلاً. أنا بحترم مهنتي جدًا، وصوتي من دماغي. أنا مؤلف بيحضر تصوير كل شوت في مسلسله عشان أضمن دايمًا إن النص بتاعي بيسير في الاتجاه اللي أنا مقتنع بيه.. وبقف على الكلمة والحرف، وكل اللي اشتغلوا معايا عارفين الكلام ده.”
وأضاف المؤلف: “يعني قصة أي مسلسل هي قراري واختياري.. عنوان المسلسل، أسماء الشخصيات، كل حرف وكلمة هو ملكي ومسؤوليتي.. وفي نفس الوقت يتم كل ذلك في إطار شغل جماعي واحترام متبادل بيني وبين كل عناصر العمل، لكن أي تفصيلة تتشابه أو تتقاطع مع أي شخصية في الحياة فده أمر وارد، لأن أي مؤلف في الدنيا ينهل من وعاء الحياة والمجتمع اللي عايش فيه.
واختتم : كفاية افتراضات ساذجة، والحمد لله إني بشتغل دايمًا مع فنانين ونجوم محترمين يقدروا حجمي ويقدروا دوري وشغلي.. وأشوفكم قريبًا في رمضان إن شاء الله.”
جاء ذلك ردًا على ما أُثير حول تشابه شخصية ياسمين عبدالعزيز في المسلسل مع حياتها الواقعية بعد انفصالها عن الممثل أحمد العوضي.
ويحكي المسلسل قصة ممثلة شهيرة تجسدها ياسمين عبدالعزيز، وطليقها رجل أعمال يتزوج من ممثلة منافسة لها وهي شيرين رضا، كما تتعرض شخصية ياسمين في المسلسل لحملات ممنهجة، قبل أن ترتبط بشاب من منطقة شعبية يجسده كريم فهمي، ليعيشان معًا قصة حب.
