روت إحدى المتضررات من الدفعة الخامسة في مسابقة ال72 ألف معلم، معاناتها خلال الاستعداد لاختبارات المسابقة، مؤكدة أنها بذلت كل ما في وسعها من أجل اجتياز الاختبارات، إلا أنها فوجئت بعدم اجتيازها، مطالبة بالنظر في تظلمها وإعادة تقييم موقفها.
وقالت المدرسة في فيديو لها: «أنا مدرسة علوم من الناس اللي اتظلمت في مسابقة الـ74 ألف معلم الدفعة الخامسة».
تعبت وسافرت عشان المسابقة
وأضافت قائلة: «أنا تعبت.. وجريت، ورُحت وجريت زجزاج، وحدفت الكورة، وسافرت بعد الفجر وقبل الفجر والدنيا ضلمة كمان. صرفت فلوس».
وتابعت أنها خضعت لعدة محاولات لإنقاص وزنها استعدادًا للمسابقة، قائلة: «رُحت خسيت.. أخدت حقن تخسيس كانت هتموتني ودخلتني المستشفى أكثر من مرة.. عملت لي مشكلة في البنكرياس، عملت لي مشكلة في الغدة».
«خسيت من 82 لـ63 كيلو في شهرين ونصف»
وأوضحت المدرسة أنها وصلت إلى وزن 63 كيلوجرامًا بعدما كان وزنها 82 كيلو، قائلة: «أنا واحدة وصلت لوزن من 82 وصلت لـ63 كيلو عشان خاطر المسابقة، وصلتُهم في شهرين ونصف تقريبًا».
وأضافت: «أنا أخدت حقن لازكس عشان تنزل المية من الجسم وكانت هتموتني لأنها نزلت الضغط.. أنا عملت كل حاجة.. عملت كل حاجة المفروض إن هي تتعمل، وبرضه سقطت».
«أنا مقفلة طبي.. والرياضي جايبة فيه 70»
وأشارت إلى أنها، اجتازت الاختبار الطبي دون ملاحظات، كما حصلت على 70 في الاختبار الرياضي، قائلة: «أنا طولي كان 163 ودخلت الهيئة 63 كيلو، يعني المفروض بالنسبة لك وزني مثالي.
وتابعت: «أنا شايفة نفسي واحدة ناجحة.. أنا مقفلة طبي، الطبي بالنسبة لي معنديش فيه ملحوظة.. الرياضي جايبة فيه 70.. الهيئة مغلطتش الحمد لله وأنا بجمّع نفسي وكان وزني مثالي».
متضررة مسابقة الـ72ألف معلم: «معنديش حاجة أعملها أكثر من اللي عملته»
وعن إمكانية دخولها إعادة أو تقديم تظلم، قالت: «فأنا لما أدخل إعادة أو أدخل تظلم، أنا مش هعمل أكثر من اللي أنا عملته، معنديش حاجة أعملها.. يعني أنا لما أدخل تاني السنة الجاية أنا معنديش حاجة أعملها!».
وأكدت أن المسابقة كانت تمثل أهمية كبيرة بالنسبة لها، قائلة: «أنا حياتي كلها كانت واقفة على اليوم ده.. أنا اتظلمت».
«ليه بتنزلنا؟».. مدرسة تطالب بتوضيح معايير القبول
وتساءلت المدرسة عن معايير اختيار المقبولين، قائلة: «لما أنت أخدت في الدفعات اللي قبل كده من 60 و65، ليه بتنزلنا؟ أنا واحدة وزني النوعي 69، فرقت معايا على درجة».
وأضافت: «أنت أخدت ناس من 70، فرقت معايا درجة واحدة ضيعتني.. هعمل إيه؟ أنا معرفش».
«أخدت علاج كان هيموتني.. خسيت وجريت وبرضه اترفضت»
واختتمت حديثها بالتأكيد على حجم ما بذلته من جهد خلال فترة الاستعداد للمسابقة، قائلة: «أخدت حقن كانت هتموتني.. أخدت علاج كان هيموتني.. خسيت.. جريت.. وبعد ما جريت أخدت 18 ثانية تقريبًا قال لي: أوت!».
وأضافت: «هما مبيسمعوش لحد أصلاً.. هما مش بيسمعوا غير نفسهم».
اقرأ أيضاً.. النائب عمرو رشاد يقترح إصدار ملحق لنتيجة الدفعة الخامسة لسد عجز المعلمين وإنصاف المستحقين
