نشر آسر محمد صبري نجل الراحل الكابتن محمد صبري رسالة مؤثرة بعد رحيل والده: “هبقى زيك إن شاء الله، وأنا وأنت وكله عارف إنك زملكاوي كنت بتوديني عند الأستاد وتعلمني، وكنت تحفظني أغاني الزمالك، وكنا بنتفرج على المباريات سوا، الحلم الكبير بتاعك كان تشوفني أحسن لاعب في مصر، وإن شاء الله هيكون الكلام ده ليا، وكل مصر بتحبك وبتقدرك”.
اقرأ أيضا: الزمالك يخلّد اسم محمد صبري بإطلاق بطولة تحمل اسمه
رحيل النجم محمد صبري
“سلام يا بابا بس السلام ده مش معناه إن أنا هنساك، ده معناه إنك محطوط في قلبي وجسدي، ودايمًا بدعيلك، أنا عارف إنك مستريح وشايفني، بس أنت دلوقتي في مكان أفضل في الجنة، وراحة قلبك وسلامك معانا، كل لحظة بتفكر فيها أنا بحاول أكون عند حسن ظنك، وأحقق كل أمنياتك ليا، وأفضل أفتخر باسمك وبمسيرتك سواء على مستوى الكرة أو في الحياة”.
“عمري ما هنسى كلامك ونصايحك، وكل لحظة قضيناها مع بعض محفورة في قلبي كنت دايمًا مصدر دعم وإلهام، وحبك لنادي الزمالك ولحياتك ولينا بيخلينا نحس بقيمتك الكبيرة كل لحظة بدونك صعبة، لكن إحنا عارفين إن روحك معانا، وبوجودك في قلوبنا بنقدر نكمل ونحقق أحلامك”.
“سلام يا حبيبي وده سلام مليان حب وامتنان لكل ما قدمته لينا، الله يرحمك ويجعل مثواك الجنة، ويظل اسمك محفور في قلوب كل محبيك، خصوصًا عائلتك اللي عمرها ما هتنساك”.
