شنّ مروان حمدي، مهاجم الفريق الأول لكرة القدم بنادي بيراميدز، هجومًا عنيفًا وتهكمًا ساخرًا، ضد منتقدي فريقه والذين وصفهم بـ«الشامتين»، بعد فوز السماوي بدوري أبطال إفريقيا للمرة الأولى في تاريخه.
وحقق بيراميدز انتصارًا تاريخيًا أمس الأحد، في نهائي دوري أبطال إفريقيا أمام نظيره صن داونز، ليتوج بالبطولة القارية الأولى في تاريخ النادي حديث العهد.
مروان حمدي: إحنا أبطال إفريقيا وهيبقى لينا جمهور
واحتفل مروان حمدي بفوز بيراميدز بدوري الأبطال، عبر حسابه على “إنستجرام”، قائلًا: “الحمد لله، احنا أبطال إفريقيا بعد تعب كبير جدًا وموسم عظيم لينا، ربنا كرمنا بأغلى وأهم بطولة، كسبناها عن استحقاق وبمجهودنا وتركيزنا وإصرارنا”.
وتابع: “فخور جدًا بينا وبأخواتي أحسن لاعيبة في مصر وإفريقيا، وأنضف شخصيات، كل فرد داخل منظومة بيراميدز يستحق الشكر، وشكرًا جدًا للجمهور المحترم اللي جاه ساندنا النهاردة، حقيقي كانوا ناس جميلة جدًا”.
وأضاف: “مفيش نادي في العالم بيزود جماهيره لكن الشعبية بتتعامل واحدة واحدة، والناس هتبقى تشجع بيراميدز، وأنا واثق في ده إن شاء الله”.
مهاجم بيراميدز: “معلش” لكل من رغب في خسارتنا
وواصل: “وقتنا دلوقتي نستمتع، وعايز أقول “معلش” لأي حد كان عايز يشمت فينا أو كان بيتمنى نخسر، معلش جدًا، صعبان عليا والله، ألف شكر لإعلامنا الجميل المحايد العسل النموذج على النزاهة والأمانة في الشغل، وعلى اهتمامه ببيراميدز الفترة اللي فاتت، وإنه فريق مصري وصل نهائي إفريقيا وتغطية جميع أخباره ومتابعته”.
اقرأ أيضًا: موعد مباراة الزمالك وبيراميدز في نهائي كأس مصر
اقرأ أيضًا: موعد مباراة بيراميدز ونهضة بركان في كأس السوبر الإفريقي
وأردف: “والمناسبة، احنا مكاناش محتاجين دعمكم في حاجة، بس أنتم فعلاً واضحين جدًا للجميع إلا من رحم ربي, لكن ده العادي من إعلامنا المعروف عنه أنه بيشتغل الشغلانة صح بمعايير الإعلام المضبوطة، مش بيخاف من حد ولا شغال مصالح شخصية وماشي مع القطيع”.
واختتم: “الحمد لله، وأخيرًا هاردلك لمشجعي صاندوانز الناطقين باللهجة المصرية”.
