قال محمود عفيفي، المحامي الحقوقي والناشط السياسي، إن 35 مليار دولار استثمار مباشر منهم 24 مليار دولار سيولة، و11 مليار من الودائع الإماراتية الموجودة في مصر، 150 مليار إجمالي هو تنفيذ المشروع على عشرات السنوات، 35% من عوائد وأرباح المشروع.
وأضاف عفيفي خلال منشور له عبر موقع التواصل الاجتماعي «فيسبوك»: المشروع هيضيف لمصر 8 مليون سائح سنويًا حسب كلام رئيس الوزراء، المبلغ كويس وهيقدر يوفر السيولة المطلوبة من العملة الدولارية المشروع أمر واقع واستثمار مباشر حسب ما قيل.
ويتساءل عفيفي: هل الحكومة هتقدر توفر الدولار في البنوك بشكل طبيعي خلال الشهرين اللي جايين؟ وهل هتقدر تضبط سعر الصرف وتسيطر على السوق السودة؟ وهل هتقدر تضبط الأسواق وتفرج عن البضائع اللي موجودة في الجمارك وتخفض الأسعار ويقدر المواطن يشعر بالتأثير الإيجابي علي معيشته اللي أصبحت ثقيلة ومتعبة ومرهقة إلى أبعد حد؟.
وأفاد عفيفي خلال منشوره: كلنا مختلفين على سياسة الحكومة من الأساس، لكن كمان مراقبتهم ومحاسبتهم شيء مهم عشان إحنا بحاجة لتحسن سريع والأمور لا تحتمل إنها تزيد سوء أكثر من كدة، وربنا يكتب الخير لمصر.
