تصدر الفنان محمد صبحي، التريند على مواقع التواصل الاجتماعي، وذلك بعد تصريحاته التلفزيونية، والتي قال فيها إن الأعمال التي يتم تقديمها في الفترة الحالية خالية من الأهداف والرسائل التي من المفترض أن يقوم بها العمل الفني.
تصريحات محمد صبحي
وأضاف أن الفيلم سيقدم شيء تافه هيدخل عكس كده لا يذهب من الأساس، موضحًا أن الفن جزء أصيل فيه الترفيه، لكن لما يتم نزع منه الفكر والرسالة لا يفيده في شئ.
واستكمل: «في ناس بتقول الفن ترفيه وتفاهة وكفاية المتعة اللي بنحققها للمشاهد أنه بيضحك، لأ مبيضحكش، وعيب لما تقول أن قدراتك كلها علشان تضحك تبقى قليل الأدب، لأ أنت تضحك بمستوى أنت طالب تحققه في مجتمعك».
«عشت عمري لا يشتريني الدولار».. محمد صبحي ينتقد قصة فيلم «نونو»
محمد صبحي نقدم فن يرفع قيمة الإنسان
وأشار محمد صبحي، إلى أنه يجب أن نقدم فن يرفع قيمة الإنسان، قائلًا: «الناس بتصرخ من الضحك بس أنت عارف كيف تكتب الكوميديا لأن دي أصول، ولازم المؤلف يرجع تاني، وأنت مقعد المحترمين اللي بيفهموا وبيكتبوا وأثبتوا جدارتهم ونجوم سواء ممثلين أو مؤلفين أو مخرجين قاعدين في بيوتهم لأن دمهم تقيل، أنا راجل مبخافش، أنا بنتقد وضع سائد وكل الناس تتكلم عليه في السوشيال ميديا».
وشدد على أنه يجب أن نبحث عن ذلك الأشخاص ونستفاد من الفن الصحيح بأفكرهم في كتابت الأعمال والتمثيل الصحيح من دراما وكوميدي ورمانسية، وذلك نرفع من قيمة الفن، قائلًا: «إنما لما بنت تطلع في التيك توك وتقول كلام سافل ومنحط بتشتغل في 4 و5 مسلسلات، وفي شركات إنتاج في مصر عايزة التريند، والكاميرات مبتروحش غير للتفاهات».
محمد صبحي أجور المعلمين أقل من أجور الفناتين
وتحدث محمد صبحي وعن أجور الفنانين، مؤكدًا أنه يجب أن يتقاضى الفنان أجرًا أقل من المُعلمين وليس ملايين، وقال: «بعد حرب 1967 أنا كان أجري وقتها زي محمود المليجي وباخد 12 جنيه».
وتابع: «وكنت قاعد معاه في الاستوديو وقولتله أنا خجلان إزاي أخد زي حضرتك؟، قالي أفهم ده نظام بيحمي المهنة ده أعلى أجر بس أنا محمود المليجي وأنت محمد صبحي، هتبقى أحسن من محمود المليجي هيقولك هو هو الأجر، علشان محدش يجي يقولك أنا هاخد كذا وهو اللي يحكم ويطلب، ده أجر بيزيد كل 4 سنين».
وأضاف: «ناس زعلت مني كتير في فترة وكانت فاهمة غلط لما قولت إني مقبلش أن الفنان ياخد 40 و50 مليون والمعلم ياخد أقل من 2000 جنيه، أنا مش مستكتر عليك الـ 50 مليون».
تجسيد المرأة المصرية بالأعمال الدرامية
أعرب الفنان، عن استيائه الشديد، بسبب تجسيد المرأة المصرية بالأعمال الدرامية، بجانب الحديث عن أفلام الكارتون الأجنبية التي تروج للمثلية الجنسية على حد تعبيره.
وأشار إلى أن 90% من مسلسلات المرأة يا إما عاهرة يا إما مدمنة مخدرات يا إما منحلة، مصر اللي حلمها في تاريخها على مدى سنين وقرون المرأة، قائل:”علشان مشكلة حصلت وقولت رأيي وقالوا طب ما أنتوا مطلعين المصريين حرامية والمرأة عاهرة في أفلامكم طب ما أنتوا اللي بتقولوا”.
محمد صبحي: أول عمل أقدمه في رمضان «فرصة العمر» وحقيقي كان فرصة العمر
الكرتون الأجنبي
وتحدث الفنان عن الكرتون اللي بيتصدر لينا على مواقع التواصل الاجتماعي قائلًا: «بيعلموا الأطفال المثلية، نرجع لـ مشروع المليار الذهبي اللي بيقول كفاية مليار وباقي البشر يعدم، وطريقة الإعدام اللي بيحصل دلوقتي زي ما نزلوا فيلم عن كورونا من 10 سنين والمثلية».
اعتذار محمد صبحي عن راديو إنرجي
ومن الجدير بالذكر، سبق واعتذار محمد صبحي عن تكريمه الخاص من قبل راديو إنرجي، قائلًا: «أعتذر عن عدم الحضور للحفل وذلك لانشغالي بتحضير عمل مسرحي جديد، أشكر كل القائمين على راديو إنرجي على هذا التكريم الخاص».
وأضاف: تكريمي يمثل لي شيء كبير ومهم، رغم همي الكبير بالفن في الوطن العربي الذي يمر بهذه الظروف الصعبة.
