يتعاونا الثنائي محمد حماقي وويجز على تقديم أغنية جديدة لحملة إعلانية لصالح أحد البنوك خلال شهر رمضان 2025.
أغنية محمد حماقي وويجز في رمضان 2025 من كلمات أحمد حسن راؤول وألحان مدين، وتوزيع حسن الشافعي، ومن المتوقع أن تحقق الأغنية نجاحًا كبيرًا بفضل تنوعها الموسيقي وبسبب الجماهيرية الواسعة لكلا الفنانين.
وفي سياق آخر، علق الفنان رامي صبري على الأزمة التي نشبت بينه وبين ويجز عقب الجدل حول التصريحات المتبادلة بينهما، حيث اتهم ويجز الفنان رامي صبري بالتقليل من قيمة مطربي الراب، وقال رامي صبري خلال لقائه ببرنامج “Arab Wood”: “زمان وأنا في سن ويجز كنت بزعل وبعمل أكتر منه، وعارف إنه لسه صغير ومعندوش خبرة في الرد، لكن مفيش مشكلة بينا، يمكن حد سخنه بس أنا بحبه وهو بيعمل مزيكا”.
وهاجم ويجز رامي صبري في فيديو سابق له عبر حسابه الشخصي على موقع تبادل الصور والفيديوهات “إنستجرام”، وقال: “فاكر نفسه عنده صلاحية يتكلم عن أي حد في أي وقت”.
وواصل ويجز هجومه على رامي صبري، قائلا: “كل ما بيقعد 4 أو 5 شهور يزهق ويطلع يتكلم عن بتوع الراب في التليفزيون، أنت مبتفهمش في الراب زي ما قلت قبل كده، ومش هتعرف تعمله، أنت فاكر إن الفنانين عايزين يوصلوا ليك، بس أنت رقم 19 يا رامي، بعيد أوي”.
واختتم ويجز حديثه خلال الفيديو بتوجيه رسالة لجمهوره، معلقا: “استنوا أغنيتي الجديدة يوم 27 ومش هقولكم عبارة عن إيه، أستاذ رامي ممكن يشرح لنا الأغنية دي لو فهم”.
