قال مجدي عبد الغني، نجم الأهلي ومنتخب مصر السابق: «اتحاد الكورة كل سنة وانت طيب، الباشمهندس هاني مش فاضي، الله يكون في عونه».
وأضاف مجدي عبد الغني: «نعم هاني أبو ريدة رئيس اتحاد الكورة، بس هو عضو اتحاد الإفريقي وعضو الاتحاد الدولي وعضو لجان الاتحاد الإفريقي وعضو لجان الاتحاد الدولي وعضو الاتحاد العربي ورئيس اتحاد شمال أفريقيا، هو هو هيعمل إيه ولا إيه ولا إيه؟».
وتابع مجدي عبد الغني حديثه عن اتحاد الكورة، خلال حواره مع الكاتب الصحفي محمد فتحي في بودكاست من أرض الكنانة على منصة مزيج التابعة لشبكة العربية حيث قال: «سايب الموضوع للهو الخافي، فيه لهو خفي هو اللي بيدير في الاتحاد، مين اللي بيدير؟ لهو الخافي، لهو الخافي؟ حضرتك تعرفه؟ طبعًا أعرفه، ما بقولك اللهو الخافي مين بقى؟ مين اللي ملثم كده؟ وبيبقى موجود بكل بجاحة ده بكل بجاحة».
وقال مجدي عبد الغني: «يعني أنا كنت عضو لمجلس إدارة اتحاد ثلاث دورات، 15 سنة في الاتحاد، هل يحق لي أن أنا أروح أدير الاتحاد دلوقتي ولا أروح أدلي برأي؟ وأمال الناس اللي قاعدة دي قاعدة طرزانات؟ لا طبعًا، بس اللي يسمع الكابتن مجدي ويبدو لي كده يسأل سؤال: طب حراج كنت خمسة عشر سنة في الاتحاد عملت إيه؟».
واختتم مجدي عبد الغني حديثه قائلًا: «معينتش واحد، معينتش واحد، يعني حضرتك بتقول ملكش شلة، مليش شلة طبعًا».
