تحدثت الفنانة شيرين عبد الوهاب عن الأخيرة، وخاصة التسجيلات الصوتية التي تخص زوجها السابق الفنان حسام حبيب، وتصريحات شقيقها محمد عبد الوهاب، حيث قامت بتوضيح الأمر لجمهورها، وذلك من خلال تسجيل صوتي عرضه الإعلامي عمرو أديب في إحدى فقرات برنامجه «الحكاية».
شيرين عبد الوهاب توضح حقيقة أزمتها الأخيرة
وقالت شيرين عبد الوهاب في التسجيل الصوتي: «أنا اتفاجئت باللي حصل على السوشيال ميديا من محمد أخويا وحسام حبيب، وبأكد إن كلام حسام مضبوط جدًا وأخويا فعلًا باعني».
وتابعت شيرين: «التصريح اللي نزل نزل من محامي محمد أخويا اللي مستولي على السوشيال ميديا ومضاله على عقد بيخليه يستفيد من السوشيال ميديا بتاعتي، وفيه أغاني جميلة جدًا جدًا عاملينها وشوية حاجات بتخلص عشان المشاكل مع الشركة المنتجة، لأن في حد كمان قاصد يقعدني في البيت وبنخلص الحاجات دي».
وأضافت: «أنا عايزاكم متصدقوش أي حاجة من محمد عبد الوهاب، وإن شاء الله الأغاني لما تنزل تعجبكم، بالرغم من أن المحكمة حكمت والقضاء المصري أن عقدي انتهى مع روتانا لكن هم لسه رافعين قضايا وموقفين الدنيا كلها وأنا واثقة في قضاء بلدي، واضطريت أرد لأني لقيت السوشيال ميديا مقلوبة».
وواصلت شيرين عبد الوهاب حديثها قائلة: «أنا مش عايزة أضايقكم لإني عارفة ان كل واحد فيكم عنده مشاكل وهموم، وكل شوية شيرين شيرين، وانتوا أهلي وسندي وبتردوا غيبتي وبتقفولي، وياريت ماتصدقوش غير البيانات اللي بتبقى تصريح مني شخصيًا غير كده دي أكاذيب.. بشكركم يا حباييي وربنا يخليكم ليا».
آخر أعمال شيرين عبد الوهاب
وطرحت الفنانة شيرين عبد الوهاب، مؤخرًا أغنية تحمل اسم «الدهب»، عبر موقع الفيديوهات الشهير «يوتيوب» وجميع المنصات، وهي من كلمات تامر حسين، وألحان مدين، وتوزيع موسيقي توما.
