كتب شادي يوسف
أطلق الحارس حمزة علاء حارس مرمى النادي الأهلي، بعض التوضيحات الهامة بشأن مستقبله خلال الفترة المقبلة.
حمزة علاء يكشف موقفه مع الأهلي
ونشر حمزة علاء عبر حسابه الشخصي على إنستجرام: “يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ”، مُتبعًا إياها بتوضيح حول الأخبار التي تم تداولها في الإعلام”.
وأضاف: “حابب أوضح حاجة مهمة بخصوص الكلام اللي اتقال عني مؤخرًا، واللي بيقول إني رفضت أقعد مع إدارة النادي أو المسؤولين، الكلام ده مش صحيح ومفيش منه أي حاجة حقيقية، أنا عمري ما اتأخرت عن أي اجتماع يخص مصلحة النادي، وبحترم كل شخص مسؤول في الكيان ده”.
وأوضح: “أنا موجود دائمًا علشان أسمع وأتكلم في أي وقت يتطلب ذلك، والنادي ده ليه مكانة كبيرة عندي. كل يوم بفتخر إني بلبس التيشرت بتاعه، وبحس دايمًا بدعمكم اللي لا يقدر بثمن، واللي هو الدافع الحقيقي ليا”.
وكشف: “أنتم جماهير الأهلي ليكم فضل كبير جدًا عليّ، وأنتم سبب رئيسي فيما وصلت إليه، مستحيل أنكر دعمكم، وأنا شايل لكم تقدير وحب كبير فوق ما تتخيلوا. حبي للنادي وللكيان ملوش حدود”.
واختتم: “أنا عمري ما أقدر أغلط في النادي أو جمهوره أو أي مسؤول داخل النادي، ولا أقدر أكون في موقف ضد النادي. أنا أتشرف بالانتماء له ولجماهيره العظيمة”.
