قالت رفيدة حمدي، زوجة الناشط السياسي المحبوس محمد عادل، إن السبت القادم 2 سبتمبر النطق بالحكم على محمد عادل، في قضية من ضمن القضايا المنسوب له، مضيفة: “القضية دي تهمتها الرئيسة نشر أخبار كاذبة.. وعادل حُبس على ذمتها بالفعل سنتين و7 شهور، وأخلت المحكمة سبيله منها بكفالة 10 آلاف“.
وأضافت حمدي خلال تدوينة لها عبر موقع التواصل الاجتماعي فيسبوك: “كمان يوم 13 سبتمبر جلسة تجديد حبسه على القضية التانية اللى هي نفس تهم القضية المنتظر الحكم فيها.. وطبعا في قضية ثالثة عشان ماحدش يقول علينا حاجة، قرار النيابة فيها كان يُحبس عليها فور إخلاء سبيله“.
وتابعت: “الحقيقة مش عارفة ناقص وقت قد إيه عشان نخلص من كل ده، احنا مش بنتكلم على كام شهر حبس ولا على سنة ولا سنتين، مع إن المفترض محدش يتحبس يوم واحد بدون جريمة إحنا بصدد استكمال 10 سنين سجن“.
وأكملت: “رقم مخيف ومرعب والمرعب أكتر لما تكتشف أن عمرك راح، 10 سنين كده اتشطبوا من حياتك طب ليه؟ أهو كده.. 10 سنين سجن وهم ونكد وتوتر وقلق وكل المشاعر السلبية بشكل متصل، 10 سنين كابوس، كفاية“.
