تداول رواد مواقع التواص الاجتماعي منشورات تدين إذاعة القرآن الكريم، بسب تشغيل موسيقى غنائية قبل أداء صلاة العصر في الجوامع احتفالاً بالمولد النبوي الشريف.
سبب غضب المواطنين من إذاعة القرآن الكريم
وكان سبب غضب المواطنين، هو أنه أثناء جلوسهم في المسجد، انتظاراً لأذان صلاة العصر، تفاجئوا بتشغيل أغنية “في حضرة المحبوب” للفنان وائل جسار، ما أثار غضبهم، بسبب الموسيقى الغنائية وحرمانيتها في الجوامع.
وقال أحد رواد مواقع التواصل الاجتماعي: “إذاعة القرآن الكريم مشغلين أغنية في حضرة المحبوب أحمد رسول الله بالموسيقي اللي فيها في قرآن العصر بين الاذآن والاقامة واحنا قاعدين ف الجامع ودي فعلا أحلام العصر زي ما بيقولوا”.
وتابع: “أنا رايح أصلي أسمع أغاني ليه داخل المسجد يعني هروح فين تاني عشان أفصل عن العالم وأقول الاذكار وأقرا قران بعيد عن الصداع اللي بنشوفه برا، اللي بيحصل في اذاعة القرآن الكريم حاجة تكسف والله.
ذهول المواطنين
وقالت أخرى: “إذاعة القرآن بيهزرو والله يعنى إيه يشغلو أغانى وائل جسار ويحتفلو بالمولد النبوى اقسم بالله أنا كنت واقفه مصدومة، وتخيلت حد غير إذاعه القران وفضلت واقفه لحد ما الأغنيه خلصت لاقيت إذاعه القرآن الكريم”.
وأضاف آخر: “الراديو فوق التلاجة فسمعت وائل جسار قولت أكيد حد لعب في الاشارة، طلعت إذاعة القرآن الكريم فعلًا، حاجة تكسف والله، استقيموا يرحمكم الله”.
وأشار آخر: “اغنيه وائل جسار فى حضرة المحبوب، على إذاعة القرآن الكريم، للأمانه الإذاعه كانت في الوقت دا إذاعة خارجية وبتنقل الاحتفال بالمولد النبوي الشريف، ولكن دا مش مبرر بالأغنية اللي كانت شغالة على إذاعه القرآن الكريم”.
وقالت: “سمعتها بس استبعدت تماما انها تكون من المسجد فكرت توكتوك معدي هو الشيخ النقشبندي قصر معاهم في حاجة”.
ولفت آخر: “حد عنده تفسير للى حصل فى إذاعة القرآن الكريم قبل أذان العصر، إحنا رايحين على فين ياجماعة لأول مرة فى التاريخ إذاعة القرآن الكريم بتذيع أغانى وموسيقى قبل أذان العصر، ماحدث سيكون وصمة عار علينا جميعاً”.
