أكد الإعلامي أحمد موسى، أنه يتمنى ألا تقدم الحكومة على تحريك الدعم عن السلع الأساسية للمصريين، معلقا: «متجريش قوي في موضوع الدعم النقدي، مش عاوز أفقد المواطن اللي بيهمه العيش، وميكونش التطبيق إلا بعد حوار وطني ومجتمعي، مش لازم نتسرع ونعمله في أول السنة القرار ده.. بالراحة شوية».
وواصل موسى خلال تصريحات تلفزيونية: «أعمل القرار عندما يكون الرأي العام المستفيد من القرار يقولي عاوزين دعم عيني ولا نقدي، الدعم رايح للبسطاء ولازم ننزل القرى ونسمع لهم».
واستكمل: «تليفوني موقفش من الناس لأني منفذ ليهم وصوتهم، وبالتالي صوتهم لازم يتسمع وناخد رأيهم ونبقى مع بعض، حكومة مع شعب مع مسئولين، وصوت المواطن لازم يكون موجود ونعبر عن رأيه ونعرفه بظروف البلد ومشاكلها».
واختتم موسى حديثه قائلًا: «كتير من المصريين على باب الله معندهمش حاجة، مينفعش أفرض عليهم حاجة وأقولهم هعمل وهعمل، دول لازم الدولة والحكومة وكلنا نكون معاهم».
