طالب مالك بمدينة الرحاب بتجريد المؤجرين من خدمات المدينة، من خلال منشور عبر الصفحة الرسمية للمدينة عبر موقع التواصل الاجتماعي «فيسبوك».
وكتب المالك في المنشور: «انا جاركم طارق الحمبلى معلش كلمتين بس لمستأجرين الشقق اللى بيزعلو من وصفهم مستأجر»، مضيفًا: «شوفو بحق ربنا المالك هو الأساس فى كل شىء والمالك هو اللى ليه الاولوية فى كل شىء للاونر اللى دافع دم قلبو».
وتابع طارق: «وبخصوص واقعة الاسانسير بالرحاب المالك وزوجتة لهم حق الصعود الأول تعالو عندى مراسى واعمار وشوفو الملاك وضعهم اية فرق السما والأرض والله وتصنيف الشركة كلاس a».
وأضاف: «مش من حق المستأجر يعترض على أى شييء هو ليه حاليا بنحس لما مستأجر أجر شقة بيتدخل في كل شيء خاص بالمدينة وعامل مالك يا جماعة استقيمو المالك الأساس وحق المالك هو الأساس لأى قرار بالرحاب المستأجر ليس له أى رأى او صفه للمدينة».
وواصل: «أى تصريح الجهاز بيطلب من المالك أى استيكر الجهاز يطلب من المالك دخول ـو خروج عفش الجهاز يطلب من المالك هو منتفع مؤقت والصيانة علشان بياخد خدمة».
واختتم حديثه مطالبًا من منسق جروب مدينة الرحاب بنشر كلامه، لكي يفهم الجميع الوضع، مُشيرًا إلى أنها ليست عنصرية ولا تعالٍ، قائلًا: «هو بس الحق بيزعل دا فى أماكن بتشترط تعمل إنترفيو للمالك أو المستأجر قبل الانضمام».
