وجه الفنان أحمد مكي رسالة قوية تعليقا على الأوضاع الجارية في فلسطين والدمار الذي يقوم به الاحتلال الإسرائيلي، مشيرا إلى أن ما يحدث الآن في العالم من كوارث طبيعية ونزعات هو تمهيد لأحداث «جسام».
وقال «مكي» في فديو له عبر صفحته الرسمية على الفيس بوك: «في نذر ربنا أنزلها كثير، الأعمى يشوفها زلازل، براكين خسوفات أوبئة، إحنا عايشين في وقت نذر الله سبحانه وتعالى من رحمته بينزل النذر قبل الأحداث العظام، وإحنا داخلين على أحداث عظيمة واضحة جدا، وهذا الكلام ليس كلامي انا بفتي الكلام هذا موجود في الدين، اللي جاي لازم الإنسان يحدد فيه موقفه كأنها فرصة، لأن الناس ترجع على الطريق السليم».
وتابع ضربا مثلا: «ولو انت قاعد في بيتك أو بيت عيلة وعندك شقه في بيت العيلة، ودخل عليك مجموعة بلطجية ضربوك قدام مراتك، واغتصبوها، قتلوا شوية من عيالك؟ خدوا شوي من فلوسك، استباحوا البيت هل هنا هتقف تتكلم وتشجب وتندد؟
هل دا وقت كلام زي دا؟ لما اللي في بيت العيلة دول يقفوا لك عند الباب ويقعدون يشتموا هل دا كافي؟».
واستكمل «مكي» «هما بيبلطجوا والبلطجي معروف لازم يسحق لازم يباد، الأحبار عندهم مذاكرين التوراة كويسة وعارفين جدا أن الحركة الصهيونية الآن هي بداية الزوال، ودا وعد ووعد الله حق وعمره ما يخلف ميعاده أبداً، يعني لازم نأخذ بالأسباب».
مناشدًا: «إلى أن الوقت الحالي وقت حساس يا تأخذ طريق الله، يتأخذ طريق الشيطان، لجيل الصهيونية الذين هم الشياطين».
