أدلى حسام غالي، عضو مجلس إدارة النادي الأهلي، تصريحات نارية حول ترشحه إلى رئاسة المارد الأحمر خلال الفترة المقبلة.
تصريحات حسام غالي بشأن ترشحه لرئاسة النادي الأهلي
وقال حسام غالي، من خلال بودكاست G.Talks: “لو بقيت رئيس الأهلي، أول خطوة إني أختار فريق حواليا بروح وشخصية النادي، ناس عندها إنكار ذات، طموح، وتحب الشغل الجماعي، شخصيات قوية بس من غير سعي لمصالح شخصية. نفسي القيم دي ترجع زي زمان”.
وعن ترشحه لرئاسة النادي الأهلي، أجاب قائلاً: ” من الممكن الترشح وهقدر أحقق اللي الجمهور نفسه يشوفه من مبادئ، بس الموضوع محتاج قوة وصبر”.
وتابع: “لأن الموضوع مش زي ما كنت متخيله من برة، لما دخلت الإدارة شوفت وحاشة وضخامة الموقف وتكالب وناس كتير وصراعات كبيرة، ناس عندها مصالح وغرض، وممكن يكون الجمهور شايفك والناس شايفاك في حتة معينة يدوك بالكتف ويطيروك عشان مصالحهم”.
اقرأ أيضاً: نظام جديد في تجديد عقود النجوم بـ الأهلي| تفاصيل
حسام غالي يوجه رسالة لمشوهي صورته للجماهير
ووجه حسام غالي رسالة خاصة قائلاً: “فيه ناس بتضربك في ضهرك كتير أوي وعايزين يبوظوا صورة حسام غالي عند الجمهور، اللي هو ده اللي عاوزينه رئيس النادي وتبدأ تشوه في صورتي عشان بس تقنع الجمهور أني لا أصلح، أنا أقدر أقف قدام الناس دي وأقف جامد أوي بس هطلع حاجات مش حلوة خالص”.
موعد مباراة الأهلي أمام إنبي في الدوري
ويستعد الفريق الأول لكرة القدم بـ النادي الأهلي لخوض مواجهة إنبي المقبلة التي من المقرر إقامتها، يوم الأحد المقبل، على أرضية استاد المقاولون العرب في إطار منافسات الجولة السادسة من عمر مسابقة الدوري المصري الممتاز.
