شاركت الفنانة مي عمر اليوم في جلسة حوارية ضمن فعاليات الدورة الخامسة من مهرجان البحر الأحمر السينمائي الدولي، حيث تحدثت بصراحة عن علاقتها بالجمهور وكيف تتعامل مع الانتقادات التي تواجهها خلال مشوارها الفني.
مي عمر من مهرجان البحر الأحمر
قالت مي عمر خلال الجلسة: “في كذا نوع من الانتقادات، أول نوع هو انتقادات السوشيال ميديا، ودي ما بتأثرش فيا خالص لأنها مش المقياس، ووراه دوافع تانية ولجان، ومصداقيتها صفر، ومش ممكن نعرف الرأي الحقيقي من اللي مش حقيقي”.
وأضافت: “النوع التاني هو النقاد، وفي جزء كبير منهم أنا بحترمه زي طارق الشناوي، لأنه دايمًا عنده وجهة نظر وفي نفس الوقت فيه نقاد مش بيحبوني ومفيش بينا كيمياء وفيه كمان نقاد رافضين فكرة إن أي ثنائي يشتغل مع بعض”.
وأوضحت أن رأي الجمهور هو الأهم بالنسبة لها: “الرأي اللي بعتبره مهم هو اللي بسمعه من الجمهور في الشارع، والناس اللي عندي على البيدج، وأهلي وأصحابي والناس اللي بثق في رأيهم”.
واختتمت حديثها قائلة: “زمان أول ما بدأت كنت بتأثر جدًا بعد دوري الصغير في حكاية حياة كنت لسه مش معروفة وكل التعليقات كانت إيجابية، ولو كنت قريت كومنت واحد وحش كنت بقعد أعيط”.
حول مهرجان البحر الأحمر السينمائي الدولي
ويواصل مهرجان البحر الأحمر السينمائي الدولي في جدة عرض أبرز الإنتاجات العربية والعالمية، مع برنامج متنوع يضم أفلاماً مرممة، وأعمالاً أولى لمواهب جديدة، وندوات وورش عمل تدعم صُنّاع السينما من المنطقة والعالم.
نرشح لك: بعد تبادلهما إلغاء المتابعة.. تفاصيل الخلاف بين دينا الشربيني ومي عمر تثير الجدل في الوسط الفني
