كشف محمود عبد الرازق “شيكابالا“، أسطورة نادي الزمالك، عن كواليس رحلته الطويلة مع القلعة البيضاء، وذلك عقب إعلانه الرسمي اعتزال كرة القدم بعد مسيرة امتدت لأكثر من 20 عامًا.
عشق نادي الزمالك
وقال شيكابالا في تصريحات عبر قناة “MBC مصر”، إنه نشأ في بيت يعشق نادي الزمالك، وأن انتماءه للفريق الأبيض كان قرار قلب من البداية، مؤكدًا: “فضلت الزمالك على الأهلي بعد تجربتي في أسوان، واخترت الطريق اللي بحبه من البداية”.
وتحدث “الفهد الأسمر” عن بداياته الصعبة، قائلًا: “أصعب حاجة حصلت لي كانت لما سبت أسوان وجيت القاهرة لوحدي.. كنت بنام في مدرجات ملعب الزمالك وعايش في النادي، النادي ده بيتي بالمعنى الحرفي”.
وأشار إلى أن أول ظهور له مع الفريق الأول للزمالك كان وهو في سن الخامسة عشرة، مؤكدًا أن تلك اللحظة كانت نقطة التحول في حياته كلاعب كرة قدم.
واسترجع ذكريات الطفولة قائلاً: “الكابتن نبيل نصير هو اللي اداني أول جزمة كورة، وبعدها كنت باستلف جزم من جمال حمزة عشان أقدر ألعب.. بس ماكنتش فارق معايا، كنت عاوز أكون في الملعب بس”.
وعن علاقته بالنادي، قال شيكابالا: “الزمالك مش مجرد فريق بلدي، ده الحلم اللي كنت عاوز أبويا يشوفني وأنا بلعب فيه قبل ما يتوفى.. بس الحمد لله حققت اللي كان بيتمناه”.
واختتم شيكابالا حديثه برسالة مؤثرة لجماهير الزمالك، مؤكدًا أن حبهم ودعمهم هو الوقود الحقيقي اللي خلى رحلته تستمر رغم كل التحديات.
