- استطاع مسلسل «دواعي السفر» للفنان أمير عيد، أن يتصدر نسب المشاهدة في مصر على منصة «Watch It»، حيث احتل المركز الأول في القائمة، ودخل قائمة تريند السوشيال ميديا، وذلك بعد عرض أولى حلقاته.
آراء رواد مواقع التواصل الاجتماعي على مسلسل دواعي السفر
ولاقى مسلسل دواعي السفر تفاعلًا كبيرًا من الجمهور، كما انهالت تعليقات رواد مواقع التواصل الاجتماعي، حيث جاءت كالتالي: «شخصين واحد هيموت ويعيش والتاني مش عايز يعيش ، ايه ممكن يحصل لما طريقهم يتقاطع.. مسلسل دواعي السفر من مفاجآت السنه الجميله نزل منه بدون مقدمات اول حلقتين على منصة واتش إت وبصراحه عجبوني جدا».
وتابع: «أمير عيد تقريبا بنفس الشخصيه ونفس طريقة التمثيل في كل أعماله ولكنه يبقى مختلف عن اي حد تاني عشان كده مش بزهق أشوفه وبحب طريقته العفوية.. كامل الباشا جميل اوي اوي وحاسس أنه مش بيمثل لكنه فعلا راكب الشخصيه بتاعته.. بداية جميله ونهاية الحلقة التانيه حماسيه للي جاي ، اتمنى يكمل المسلسل بنفس القوة».
وقال آخر: «زي ما توقعت والله مسلسل خفيف أوي لو عايز تهرب من ضغط اليوم والواقع اصلا اتفرج علي المسلسل ده امير عيد عامل شئ شيك وأنيق أوي اسم المسلسل دواعي السفر أول حلقتين لسه وبصراحه مبسوط أوي المسلسل يستحق فرصه انك تخش تتفرج عليه فعلا».
فيما كتب آخر: «امير عيد لو معملش مسلسل في المعادي يتحرق
بس بجد المرادي غير، دراما اجتماعية بين شاب مكتئب و صاحب ميول انتحارية و عجوز صاحب مرض في القلب و ممكن يموت في اي وقت بصراحة الدراما هادية وبسيطة و مؤثرة جدا المسلسل نزل منه حلقتين بس و هينزل كل اسبوع حلقتين و انتاج watch it».
تعليقات الجمهور على أولى حلقات دواعي السفر
وعلقت أخرى: «شوفت أول حلقتين من دواعي سفر .. مسلسل بعيد عن البهرجة و الأڤورة فيه حزن بس بخفه كدا .. الأجواء والهارموني اللي بين أمير عيد و كامل الباشا مُبشرة بحلقات ممتعة.. حبيت».
وكتبت أخرى متأثرة بالأحداث: «علي في دواعي السفر ورانا شكل الواحد عامل ازاي لما بيفتقد حد عزيز عليه وخاصه الاب ، بيبقى كده فيه مرحله الي هو انت مش مصدق اصلا انك فقدته بتتصدم وبتضطر تتقبل كده بس انت من جواك مش قادر على ده ولا على العيشه دي ، متأكده أنه هيبقى احلى مسلسل اوف سيزون».
بينما قالت أخرى: «انا خايفه اتفرج علي مسلسل دواعي السفر والله
انا لسه بتعالج من ريڤو وال جاي شكله اقسي بكتير فمش مستعده بجد لخطوة زاي دي».
مسلسل دواعي السفر
وتدور أحداث المسلسل حول إبراهيم الذي يجسد شخصيته الفنان كامل الباشا والذي يتعرض لحالة إغماء ويسقط على الأرض، ما يدفع جاره الشاب علي الذي يجسده أمير عيد لاصطحابه إلى المستشفى، ليقرر إبراهيم تغيير حياته، ويساعده في ذلك علي، ويبدأ معه رحلة يستمتعان فيها بعلاقة صداقة تشبه علاقة الأب بالابن، وتتوالي الأحداث.
ودواعي السفر من بطولة أمير عيد، نادين، كامل الباشا، أحمد غزي وأحمد فاضل وأيمن الشيوي، وياسمين سمير، وتأليف وإخراج محمد ناير.
