وجه أحمد حسام ميدو نجم الزمالك السابق، رسالة إلى الكابتن محمود الخطيب رئيس النادي الأهلي، والكابتن حسين لبيب رئيس نادي الزمالك، بشأن الحملات الإعلامية المضللة على بعض اللاعبين.
رسالة ميدو إلى حسين لبيب والخطيب
وقال ميدو، عبر حسابه الشخصي بموقع «إكس»: «الإرهاب الإعلامي اللي بيتطبق من إعلام الأهلي بقاله سنين على ولاد النادي قبل ولاد المنافسين لأي حد يعترض على سياسة إدارة النادي بدأ يتطبق في الزمالك».
وأضاف ميدو: «شيكابالا قال رأيه في الماتش وإن المدرب لازم يمشي وإنه السبب الرئيسي في ظهور الفريق بالشكل ده رأيه رأي كل الزمالكاوية، القبيضة والمنتفعين مدورين عليه مكن ومطلعينه بيصفي حسابات!! بيصفي حسابات مع مين؟ الراجل خدم النادي 30 سنة من وهو عيل صغير واعتزل بقرار منه شخصيًا».
وتابع: «وهو شيكابالا لو كان عايز يكمل السنة اللي ناقصة في عقده ماكانش هيكملها غصبًا عن أي حد؟ ومش معنى إن انتوا مرضى إن الناس كلها مرضى زيكم انتوا مابتشوفوش الناس بعينكم انتوا بتشوفوا الناس بقلبكم المريض اللي مليان حقد وغل!! مفيش في الدنيا أي حاجة تستاهل قلة الأدب دي!!».
ووجه ميدو رسالة إلى الكابتن محمود الخطيب والكابتن حسين لبيب، قائلًا: «محمود الخطيب وحسين لبيب انتوا مسؤولين عن اللي بيحصل ده عاملين نفسكم مش واخدين بالكم!! ده كلام تقولوهولنا إحنا!! هتقولوا لربنا إيه؟ وقفوا المهزلة دي لو سمحتم».
موعد مباراة الزمالك وغزل المحلة
وتقام مباراة الزمالك وغزل المحلة المقبلة، يوم السبت المقبل في تمام الساعة الخامسة مساءً بتوقيت القاهرة على ملعب استاد القاهرة الدولي في إطار منافسات الجولة العاشرة من عمر مسابقة الدوري المصري الممتاز.
اقرأ أيضاً: «رهن مستقبله بأرض أكتوبر».. شوبير يعلق على الأزمة المالية بالزمالك
