ردت الفنانة شيماء سيف على اعتذار الفنانة آيتن عامر بعد الجدل المثار حول تصريحاتها عن زيادة الوزن والإنجاب في موقف سابق جمعهما، مؤكدة قبولها الاعتذار مع توضيح وجهة نظرها بشأن التدخل في الأمور الشخصية.
شيماء سيف: مش كل المواضيع ينفع فيها النصح
وقالت شيماء سيف في رسالتها لآيتن عامر عبر خاصية «استوري» على حسابها بموقع إنستجرام: «حبيبتي يا آيتن، اعتذارك مقبول وعلى راسي، وأنا أكيد عارفة إن نصيحتك كانت عن حسن نية، بس صدقيني مش كل المواضيع ينفع فيها النصح، وخصوصًا قدام زوجي، اللي كنا وقتها مش معرفين حد المشكلة فين».
شيماء سيف: البيوت أسرار مقفولة على أوجاعها وناسها
وأضافت: «وده اللي أقصده، إن البيوت أسرار مقفولة على أوجاعها وناسها، بس هما أدرى بيها، فخلينا دايمًا، مدام إحنا مش قريبين أوي ومجرد أصحاب وزمايل بينا عشرة حلوة، نفضل سايبين الحدود دي ومنتعمقش أوي ونسأل أو ننصح في حاجات أكيد ناسها أدرى بيها، ولو كان بإيديهم كانوا حلوها، لكن هي بتاعة ربنا».
وعن عرض آيتن عامر زيارتها وإحضار باقة ورد لها ودعوتها إلى العشاء، أوضحت شيماء أنها لم تعد تسكن بجوارها، قائلة: «وبمناسبة البيوت، أنا عزلت من بدري ومبقناش جيران، عشان بس تعرفي إننا مكناش بنتكلم والسلام كان لربنا بس، ولا يهمك هبعتلك اللوكيشن الجديد يا قمر، وتنوري أي حتة».
اقرأ أيضا.. آيتن عامر تعتذر لشيماء سيف بعد أزمة تصريحات الإنجاب.. القصة كاملة
