ناشدت إحدى المتضررات من الدفعة الخامسة لمسابقة المعلمين، الرئيس عبد الفتاح السيسي، التدخل لحل أزمة إعادة الاختبارات الرياضية للمتقدمين الذين اجتازوا مراحل المسابقة، مطالبة بعدم إعادة الاختبار لمن سبق لهم النجاح فيه واجتياز كشف الهيئة.
وقالت المتضررة، في مقطع فيديو لها ، إنها ترى أن إعادة الاختبار الرياضي تمثل ظلمًا للمتقدمين الذين التزموا بالمعايير المعلنة واجتازوا الاختبارات، مؤكدة أنهم بذلوا جهودًا كبيرة وتحملوا نفقات على مدار عامين من أجل استكمال إجراءات المسابقة.
«إزاي نعيد رياضي تاني وإحنا ناجحين يا ريس؟»
وقالت المتضررة في مناشدتها: «مش هنعيد رياضي تاني؟ مش هنقدر؟ إحنا جبنا كل اللي في وسعنا. إزاي نعيد رياضي تاني وإحنا ناجحين يا ريس؟ إحنا أولادك يا ريس بنتهان بطريقة الإعادة دي».
وأضافت قائلة: «أنتم لو مش عايزين المقبول بتقولوا ليه من الأول التقدير مقبول؟ كنا من الأول ما دخلناش المسابقة، ما كناش اتمرمطنا سنتين وصرفنا مصاريف مالها أول من آخر».
متضررة: «إحنا مش موافقين على إعادة الرياضي أبدًا»
ورفضت المتضررة إعادة الاختبار الرياضي، قائلة: «إحنا مش موافقين على إعادة الرياضي أبدًا ومش هنوافق»، مضيفة أن المتقدمين الذين حصلوا على تقدير «مقبول» لا ذنب لهم في تغيير المعايير بعد اجتيازهم مراحل المسابقة.
وتساءلت عن مطالبتهم بتحقيق نسبة 100% في الاختبار، قائلة: «إزاي أنا أجيب 100%؟ أفرض أنا رحت وما عرفتش أجيب إلا 80، مش هقدر أجيب 100% عشان أعدي الـ71».
«أنا ناجحة يا ريس وعايزة حقي في بلدي»
وأكدت المتضررة ضرورة الالتزام بالمعايير التي أُعلنت منذ بداية المسابقة، مشيرة إلى أنها اجتازت الاختبار الرياضي وكشف الهيئة، وقالت: « حضرتك المفروض إن أنت ماشي بمعايير من الأول المسابقة تمشي عليها، إنما جاي دلوقتي تقول لي أعدي رياضي بعد ما دخلت هيئة، أنا ناجحة يا ريس، أنا ناجحة وعايزة حقي في بلدي».
وأضافت: «وأنا عارفة إن حضرتك اللي هتجيب لنا حقنا، حقنا عندك، وحضرتك اللي هترده لنا».
«تعبنا كتير وصرفنا كتير في الجيم والنادي»
وتحدثت المتضررة عن الأعباء التي تحملها المتقدمون خلال فترة الاستعداد للاختبارات، قائلة: «يا ريس إحنا تعبنا كتير وصرفنا كتير في الجيم والنادي وحرمنا عيالنا من كل حاجة حلوة، ورحنا مخصوص عشان حضرتك قلت المعايير دي وإحنا التزمنا بكل حاجة في المعايير».
واختتمت مناشدتها بالتأكيد على تمسكها بحقها في التعيين، قائلة: «مثالي وأنا مثالي، ونجحنا رياضي وعدينا هيئة، خلاص، فاضل إيه تاني؟ فاضل لنا التعيين زينا زي أصحابنا، إحنا بنطالب بالتعيين لأن إحنا مش ساقطين، إحنا لو إحنا مش معديين ما كناش دخلنا هيئة».
