أشادت المحامية نهاد أبو القمصان بمسلسل أشغال شقة بطولة الفنان هشام ماجد والفنانة أسماء جلال، والذي يعرض في موسم دراما رمضان الحالي 2024.
نهاد أبو القمصان تشيد بمسلسل أشغال شقة
ونشرت المحامية نهاد أبو القمصان بوستر المسلسل عبر حسابها الشخصي بموقع تبادل الصور الفيديوهات «انستجرام»، وعلقت عليه قائلة: «مسلسل اشغال شاقة.. من فترة طويلة ماضحكتش وانا بتفرج على مسلسل بالشكل اللى ضحكته وانا بشوف مسلسل اشغال شقة.. ضحك على كوميديا لمست حياتنا بكل تفاصيلها ومبنية على مواقف مش افيهات مبتزلة وتعليقات عنصرية بايخة.. خالد دياب وشرين دياب عاملين عظمة فى الكتابة، حتى فى الكومديا القانونية».
وتابعت نهاد أبو القمصان مازحة: «طبعا فانلة حرز فى جناية تتغسل ويترف مكان طلقة الرصاص وقعتنى ضحك وأكل حرز (كبد بيومى) دا لفل الوحش في الخيال عايزاهم يقولو لي بينى وبينهم ومش هبلغ عليهم، هما كانو شاربين ايه ؟».
وأضافت: «وطبعا لمس كل بيت مصرى وحكاياتنا مع الشغالات اللى يتكتب فيها كتب.. انماط البشر والمواقف بطريقة لا تمس اى ست جدعة وشقيانة على ولادها وبتشتغل فى البيوت، حتى اللى سرقت قدموها بشكل كوميدى بعيد عن الادانه او الوصم العام كومديا الطبقة الوسطى المتربية اللى عندها قيم بتحافظ عليها وبتقدم قيم التوازن فى الحياة بين زوج مش ضعيف الشخصية لكن بيحاول يوازن بين امه وزوجته ومقدر انه وحيدها، وبين زوجة ذكية بتستوعب حماتها الحشرية وتوفق بين بيتها وولادها وشغلها وحماتها وما تفرضش اردتها على زوجها».
واستكملت نهاد أبو القمصان حديثها قائلة: «وطبعا مش هتكلم عن فنيات العمل رغم انى بشوف نفسى ليا فى النقد الفنى شوية بس لان شهادتى مجرحة لسببين لإن الاخراج لخالد دياب وهو صديق عزيز ومخرج راقى ومثقف وقادر يعمل عمل تصدر قائمة المشاهدات على المنصات العربية، ولان اياد حافظ ابنى اتشرف بانه شارك فى العمل كمساعد مخرج.. وسعيدة وفخورة ان العمل اللى شارك فيه ولو بجزء صغير جدا نجح النجاح دا.. الف مبروك لخالد وشرين مش بس لنجاح اشغال شقة لانكو كمان بقيتو ختم الجودة اللى بنستناه كل سنة على مستوى الكتابة وعلى مستوى الاخراج، وعايزين من دا كثير فى رمضان وطول السنة».
مسلسل أشغال شقة
وتدور أحداث «أشغال شقة»، في جو اجتماعي كوميدي، حول زوجين هما هشام ماجد وأسماء جلال، ويجسد هشام شخصية طبيب شرعي، بينما تجسد أسماء شخصية إعلامية.
أبطال العمل
يلعب بطولة المسلسل، كل من هشام ماجد، وأسماء جلال، ومصطفى غريب، وسلوى محمد علي، وشيرين، والعمل من تأليف خالد وشيرين دياب، وإخراج خالد دياب.
