تصدر فيلم الهوى سلطان جميع محركات البحث خلال الأيام الماضية، بسبب قصته التي تسببت في جذب عدد كبير من المتابعين، بالإضافة إلى أدوار الفنانين التي أشاد بها معظم من شاهدو الفيلم.
إيرادات فيلم الهوى سلطان
حصد فيلم الهوى سلطان إيرادات آخر ليلة عرض بلغت 2 مليون جنيه و110 آلاف جنيه ليصل إجمالي ما حققه إلى 9 ملايين، الفيلم من تأليف وإخراج هبة يسرى.
ويأتي الفيلم من بطول منة شلبي وأحمد داوود، أحمد خالد صالح، جيهان الشماشرجى، سوسن بدر، خالد كمال، فدوى عابد، نورين أبو سعدة، عماد رشاد، وتأليف وإخراج هبة يسرى، حيث تدور أحداثه في إطار رومانسي اجتماعى لايت عن العلاقات والحب بين الأصدقاء.
أزمة فيلم الهوى سلطان
اتهمت المؤلفة رشا الجزار صناع العمل بسرقة فكرته من الفيلم الذي قامت بكتابته بعنوان “حبي الأول”، حيث كتبت عبر حسابها على فيسبوك: “في سبتمبر عام 2017 قمت بكتابة معالجة فيلم روائي طويل بعنوان (حبي الأول)، ودا كان اسم مؤقت للفيلم ومثبت عندي على الإيميلات والواتس آب بالتواريخ المراسلات للمخرجين والمنتجين في رحلة البحث عن إنتاج من حينها وحتى أشهر قريبة”.
وتابعت: “وكان المورال بتاعي، أن الحب ممكن يكون قريب منك جدا وأنت مش شايفة ولا واخد بالك منه لانك مسمية أي اسم تاني (صداقة، عشرة، جيره، اخوه … الخ)، مش شايفة مع أنه ممكن يبقي قريب منك جدا، ودا لأنك ملبسه امبريلا مختلفة في المسمى”.
وأضافت: “وم الخميس 7 نوفمبر الحالي، دخلت السينما عشان اشوف فيلم (الهوي سلطان)، ودا لأني بنتظر أي فيلم جديد ينزل السينما وبجري عشان أشوفه، وكنت متحمسه جدا لاني بحب منة شلبي وبشوف كل أعمالها”.
وأكملت: “اتفاجئت أن قصة الفيلم كامله (باكد تاني كامله) مسروقة من قصة فيلمي (حبي الاول)، بكل التفاصيل مع اختلاف اللوكيشن والحوار عندي في قصتي كنت مسكنه البطل والبطلة في نفس العمارة في شقتين فوق بعض، بدون مبالغة لو ذكرت التفاصيل اللي عندي في قصتي واوجه التطابق بنها وبين اللي شوفته في فيلم الهوي سلطان، التطابق هيتجاوز ال 70%”.
وتابعت: “الفكرة والقصة وكل الأحداث الرئيسية بتفاصيل ما سيحدث مع الأبطال مسروقين من قصتي (حبي الأول) حاولت على مدار يومين اتواصل مع مؤلفة ومخرجت فيلم (الهوي سلطان). لكنها لم ترد على تليفوناتي، مع اني بعتلها رسالة على الواتس وعرفتها بنفسي وطلبت اني اكلمها ضروري، ورجعت بعدها اتصلت بيها تاني مرتين ولم ترد”.
واستطردت: “البوست دا فقط من اجلي انا ومن أجل حقي في الدفاع عن شغلي. وليس من أجل أي شئ آخر”، صعب جدا يحصل معاك كل هذا الانتهاك والسرقة لابداعك وشغلك ومتقولش. مع أن لو كانت مؤلفة الفيلم ردت عليا وأوجدتلي تفسير لما حدث ربما كنت سكت وسامحت، لكن سرقة وتجاهل وقح شئ مؤلم اجبرني على الكتابة هنا أمام الناس”.
ولفتت: “أشهد الله أن فكرة وقصة فيلم (الهوي سطان) الموجود في السينمات حاليا. هو فكرة وقصة وتفاصيل فيلمي (حبي الاول)، وانه مجهودي وتاليفي ومسروق مني.. ولن اسامح مؤلفة الفيلم على هذا التعدي على حقي الأدبي”.
رد مؤلفة الهوى سلطان
خرجت المؤلفة هبة يسري لترد على كلام “الجزار” حيث كتبت عبر فيسبوك:” طب قسما بالله ورحمة أبويا في تربته أنا ما أعرف رشا الجزار دي ولا قريت أي ورق والفيلم ده فكرته عندي من تانية معهد سينما وفي نسخ منه مكتوبة من زمان جدا وعند ماريان خوري في المكتب ولو لسه الأفكار موجودة هتبقى في المعهد واتطورت على مدار سنين”.
وأكملت: “”وبجد ده ظلم بين ومحاولة لسرقة فرحتنا بالفيلم غير مسموح بيها تماما، ودول اللي باقي من الورق قبل ما أرمي كم الورق اللي كتبته على مدار سنين وعموما اللي شاف سابع جار و شاف الفيلم ممكن يقارن هاتوا خبير خطوط بقى ولا جهاز كشف الكدب”.
تفاعل الجمهور مع فيلم الهوي سلطان
قال أحد الأشخاص عبر صفحته على فيسبوك: “فيلم الهوى سلطان نزل يوم 6 نوفمبر و من وقتها و فى أول يوم عمل إيرادات عالية جدا عدت المليون جنية فى يوم واحد بس و إن دل على شئ يدل على إن الفيلم تحفه و هو فعلا كده”.
وأكمل: “الفيلم مختلف حقيقى ما فيهوش أى تنطـيط ولا زعيق ولا دوشة من بتاعت الأعمال اللى موجودة الأيام دى، فيلم من زمان ما شوفناش فى حلاوته و هدوءه و طبيعته.
وقال آخر: “فيلم الهوي سلطان بياخدنا لـ حقيقة مؤكدة إن العلاقات الصادقة و الحقيقية بين الناس هي اللي لازم يكون مبني عليها جزء كبير من التفاهة .. ايوه زي ما بقول كدة”.
وتابع آخر: “فعلا فيلم هادي و حقيقي أبطاله اللي في الفيلم مش بيحبوا الزيف و بيرتاحوا مع البساطة و الصدق”، بنما قال آخر “مع احترامي للجميع بس معلش الفيلم ما يستهلش الضجه دي خالص
فيلم عادي جدا وأقل من العادي كمان”.
