علق أحمد عبد القادر لاعب النادي الأهلي، على هجوم بعض صفحات السوشيال الميديا على أداءه خلال الفترة الأخيرة قائلًا: “اتقوا ربنا يا شوية هايفين“.
وقال عبد القادر في تدوينة له عبر موقع التواصل الاجتماعي فيسبوك: “جمهور الأهلي أكبر منكم يا شوية هايفين سواء الأهلي اليوم أو ماجيكانو ياللي بتقبضوا فلوس علشان تعلوا ده وتوطو ده أنا موسم كامل ساكت مفتحتش بوقي ومش هفتح بس فيه وقت لازم تتقوا ربنا فيه جو الأدمن بتاعكو والفلوس اللي بتتوزع عليكو وقدام عيني وحد عرض عليا أعمل حملات هجص ولقطه وهنعليك وهنخليك في السما دا مش عندي أنا ربنا بيكرمني علشان أنا عارف أنا بتعب ازاي وهفضل طول عمري شريف مش بتاع ألف وألفين جنيه أبيع بيهم كرامتي“.
وأضاف عبد القادر: “فبلاش أنتوا علشان أنتوا لا تمسو للنادي الأهلي بإي شئ النادي الأهلي أكبر نادي في العالم مش في مصر فا اللي أنتوا عاوزينه ده مبعملوش والإجازة دي يا أنا يصفحاتكو اللي كلها نفاق ورشاوي وبقولها لأخر مرة أنا بتاع شغل مش بتاع رشاوي“.
وتابع: “وبعدين لقطه ركز جو الملعب وسيبك منهم رد في الملعب رد في الملعب ما تنضجو شويه لما حد بياخد فلوس ويغلط فيك سنه كاملة وأكتر ويشتم أهلك وتقولي رد في الملعب ولما ترد يقولك متركزش معاهم مين قال أنهم فارقين معايا أصلا ولو أنتوا فعلا عندكو ذره ثقة وقلبكوا كان جايبكو مكنش البوست اتمسح بعد ساعه على طول بس أنا اللي هنزله.. صباح الفل وجمعة مباركة“.
