عبر الفنان خالد الصاوي، عن غضبه الشديد بسبب تصرفات وتعامل بعض الشخصيات بالوسط الفني، وأكد على عدم قدرته على مصاحبة الأشخاص الذين يخدعونه بعد سنين كثيرة بينهم.
وجاء ذلك عندما نشر خالد الصاوي، مقطع فيديو عبر حسابه الشخصي بموقع انستجرام، برفقه كلابه الخاصة، وقال: «دول اعرفهم من كام سنة بس وبيرحبوا بيا كده ومش عاوزين مصلحة، بينما الناس دكها ودكهم ودولم عشرة عشرين وثلاثين سنة، وأتصل لعرض مشروع او طلب صغير بعشم السنين فميردوش أو يردوا ويقولوا بكرة نخلصها ويدوبوا!».
وأضاف: «وفجأة أصحى بعد شهرين على حد منهم اتصل عشر مرات وكلم مكتبي وبيتي، بل وبيت أمي وياخدني بالصوت ويعتب عليا عشان مش بسأل».
وأشار:«كلابي بتاكل معايا ودولا بيحاولوا دايمًا يأكلوا آخر دفعة مني، كلابي بتعملي هيصة لو سمعت صوتي جي من التليفون أو أخش الكمباوند، بس دولم بيغيروا أرقامهم لما تخلص حاجتي من ستي وما يفكروش يبعتلولي الجديدة».
وأضاف: «كلابي بتكتئب وتنام جنبي ورديات وتمسح دمعي وأنا نايم لما بكون حزين أو عيان أو مشقوط بين إنتاج مش بيدفع وضرايب ما بترحمش.. أما دوكهم فرغم العشرة والأحضان والتلزيق لكن في ظهري بياخدوا صف خصومي وهم عارفين أن خطيئتي الكبرى بالنسبة لهم ولأسيادهم أن دمي حر لا أقبل إهانة من أي حد مهما كان حجمه».
وأوضح:«كلابي زيي بتشتبك مع أي كلب يفكر يبلطج وساعات أخش معاهم وأدي المغرور صاحب العدو نصيبه، وأروح البيت مع كلابي عيالي آخر هيبرة وهيس رغم الكدمات والخدوش واثقين في إخلاصنا لبعض وعزة نفسنا، مستعدين للي بعده، وتمر لحظة شجن يعدي طيف ميكي حبيب قلبي اللي كان الأقل حجمًا بس الأشرس، وهو الذكر القائد على أربعة من فصيلته وثلاثة بلدي».
خالد الصاوي يرد على شائعة وفاته
وسبق حرص خالد الصاوي، على الرد على شائعات وفاته التي انتشرت خلال الساعات الماضية، مؤكدًا أنه عانى من ذات الشائعة منذ 4 سنوات.
وظهر في مقطع فيديو عبر حسابه الشخصي بموقع إنستجرام قائلًا: “السلام عليكم إزيكم يا أحبائي، أنا سمعت إني موت امبارح جيت اتطمن خير في حاجة ولا إيه؟، على العموم بالنسبة للشخصيات اللي بيقولوا كده أنا موتوني 4 مرات من 4 سنين، وأحيانًا قالوا إن أنا أولادي ماتوا، اللهم احفظنا طبعًا بس أنا معنديش ولاد الحقيقة”.
وأضاف:” مش هقول الناس دي نوياها إيه، لما تطلع إشاعة يبقى عندك غرض ولا أنت بلا شخصية واللي بتسمعه بتحطه على النت على طول؟، طب أنت عارف إن ده ممكن يكون تأثيره بايخ على الأهالي؟ ما علينا”.
وتابع: “أول حاجة الشخص اللي يعمل كده ده كاذب فهو عايز لايكات، نطلع من الحساب بتاعه وننبه الآخرين أنه كذاب، وبأكد أني في الحاجات الضرورية جدًا والحساسة لازم أطلع أكد أو أنفي الحاجة، وتأكدوا يا جماعة إن أنا لو مُت هكون أول واحد بيطلع وبيقول”.
