تصدرت الفنانة هاجر أحمد التريند على جميع مواقع التواصل الاجتماعي في الساعات القليلة الماضية، بعدما قدمت شكوى في جهاز حماية المستهلك، بسبب حقيبتها، والتي قيمتها 5000 دولار، ما يعادل ربع مليون جنيه مصري، والشكوى بسبب تعرض الشنطة للتلف بسبب خطأ من المغسلة التي أرسلتها لها.
سبب شكوى هاجر أحمد
وأوضحت هاجر أحمد سبب الشكوى من خلال منشور لها عبر حسابها الشخصي بموقع التواصل الاجتماعي «فيسبوك»، حيث قالت: «من حوالي شهرين ونص اتصلت بيهم أسألهم أن عندي شنطة غالية نوعها كريستيان ديور باهظة الثمن وفيها بقعة كدة بالألوان بسيطة بنتي عملاها وسألتهم هل تقدروا تشيلوا البقعة دي ولا لأ؟، قالولي طبعا يا فندم إحنا كل شغلنا شنط ماركات وشنط غالية».
وتابعت: «للعلم أن سعر الشنطة حاليًا تقريبًا 5000 دولار.. ولأني عارفة إني لازم أودي الشنطة للمكان بتاعها يظبطوها بس المشكلة أن أقرب مكان ليا دبي، وأنا مش مسافرة دبي الفترة دي أبدًا».
رد فعل الجمهور على أزمة هاجر أحمد
وسخر رواد مواقع التواصل الاجتماعي من الفنانة هاجر أحمد بعدما عرف سعر حقيبتها، والذي يعادل ربع مليون جنيه مصري، وخاصة في ظل أزمة الكهرباء الموجودة حاليًا، حيث جاءت تعليقاتهم كالتالي: «مين هاجر احمد دي وبتشتغل ايه شنطة يد بربع مليون جنيه ليه وبعدين دا عيب المصنع مش المغسله».
وكتب ناشط آخر: «مصر كلها بتدعم الفنانة هاجر احمد في ازمتها لأنها بتمس كل شخص فينا. واذا كان “الدراي كلين” خرب لها شنطة بربع مليون جنيه فنفس الدراي بوظ لي تيشيرت كنت شاريه من سنتر بوينت ب 350 جنيه . فعلا مأساة .. كان الله في عونها».
فيما قال آخر: «معلش يا هاجر اللي يشوف بلاوي الناس تهون عليه بلوته كويس انها جت في شنطة بربع مليون بس ، مجتش في حاجة غاليه كان ممكن -لا قدر الله – تيجي في قطع كهرباء أو مياه أو بنزين يغلى او اي حاجة تكدر حياتنا نقول دائما الحمد لله على كل حال».
وعلق آخر: «الشنطة بربع مليون جنية .. تخيل إن في ناس بينا ممكن تدفع المبلغ ده في شنطة .. هما إخوانا الاسكندرانية بيقولوا إيه عشان ناسي».
