كتبت رحمة حسين:
أعلن مطرب المهرجانات مسلم انفصاله عن زوجته يارا منذ ساعات قليلة، قائلا على صفحته الشخصية على الانستجرام خلال «استوري»: تم الطلاق بيني وبين مراتي وده بسبب مشاكل أهلي وفضحتي قدام الناس حسبي الله ونعم الوكيل في اللي كان السبب وخلى بينا مشاكل وكلام زي الزفت في السمعه والشرف والأعراض وحلم وحدة إنها تعيش مبسوطه لا أكتر ولا أقل».
وتابع: «ومش مسامح اختي ولا امي ولا اخواتي كلهم بجد على كل حاجه وصلوني ليها انا بجد بعد الست دي ما فيش ست هتخش حياتي تاني وشكرا أووي على الظروف».
رد زوجة مسلم على الطلاق.. مكنش المفروض اتكلم
وعلى الصعيد الآخر، كتبت طليقته «يارا» على حسابها الشخصي على الانستجرام، خلال «استوري»: تم الطلاق بيني وبين مسلم، وبجد حسبي الله ونعم الوكيل فيكم، ربنا ينتقم منكم، انا عارفه ان ما كانش المفروض اطلع اتكلم بس ما عنديش حاجه اغلى من كرامتي وشرفي قدام الناس.
صح
وأكملت: أنا أهو بعدت يمكن ترتاحوا وتسيبوني في حالي، للعلم انا من يوم ما اتجوزت مسلم كانت هي دي مشاكلنا غير كده ما كانش في اي مشاكل بينا، وشهاده حق ان عمره ما زعلني، وكان دايما واقف في ضهري، بس انا اتظلمت كثير ومش مسامحه.
معمولنا سحر
وقد كانت اتهمت يارا أشخاصا بعمل سحرا لها ولزوجها في منزلهم، كاتبة: «معمول لنا سحر في بيتنا، مش عارفه انا عملت ايه غير اني اتجوزت راجل بحبه، اتغلط في شرفي وبقى لي شهرين ساكته عشان خاطر جوزي».
جلطة في ذراعي اليمين.. وحسبي الله ونعم الوكيل
تزامنت واقعة الطلاق مع إصابة مسلم بوعكة صحية إثر تعرضه لجلطة في يده اليمنى، فقد كتب على صفحته الشخصية على «الفيس بوك»: «لا اله الا الله جلطه في ذراعي اليمين بالكامل حسبي الله ونعم الوكيل في كل واحد وصلني لكدا».
إقرأ المزيد: مرتضى منصور: اعتراف بريطانيا بدولة فلسطين خطوة تاريخية رغم مسؤوليتها عن وعد بلفور
وقال عبر استوري انستجرام: «بطلب من كل واحد انا فرحته في يوم، أو كنت سبب في ابتسامه بس مش اكتر، يدعي ليا، ربنا يشفيني من اللي انا فيه بجد انا تعبان قوي، يمكن دعوه منكم اكيد هتفرق عند ربنا وربنا يخليكم ليا».
