تحدث الملحن محمد رحيم، عن غصبه واستيائه الشديد، وذلك بعد تعرضه للهجوم والانتقادات من قبل الجمهور، بسبب نشر مقطع فيديو لطفل روسي يغني أغنية الوتر الحساس لشيرين عبدالوهاب، وهي تعد من ألحانه، حيث تعرض للهجوم بسبب عدم كتابة اسم شيرين عبدالوهاب في منشوره.
وجاء ذلك عندما نشر تغريدة عبر حسابه الشخصي على موقع “إكس”، حيث علق على الانتقادات قايل: ”إيه يا جماعة كل الشتايم وقله الأدب دي، علشان بحتفل بنجاح لحن من ألحاني زي ألف لحن نجح لي قبل كده، طب أنت كجمهور فنانة بتحبها ومتحيز ليها وفاكر أن هي بس اللي بترزق الناس، أنا إيه ذنبي أنك جاهل ومش عارف أني أخدت ميوزيك أوورد سنة 2000 قبل أنت ما تتولد في أغنية حبيبي ولا على باله، مثلًا كان عندي 20 سنة”.
وأضاف في تغريدة أخرى قائلًا: أنا مكنتش أحب أنزل لمستوى أني أتكلم مع شوية عيال صغيرة وأقول الكلام ده بدل ما نبارك لبعض كلنا زي كل جمهور محترم لكل فنان أنا اشتغلت معاه، ألاقي شوية عيال بتشتمني علشان بتكلم عن نجاح لحن من ألحاني أنتوا إزاي كده؟ طبعًا النجاح للكل والعمل عمل جماعي وأنا عمري مابنسى اكتب اسم مهندس الصوت نفسه علشان أنسى النجم.
وكما قال في تغريدة أخرى:” وبعدين أنا بحب شيرين من قلبي ومن أكتر من عشرين سنة وإحنا بنشتغل وبننجح صبري قليل، مشاعر، الوتر الحساس، كلها أغاني ومحطات مهمة لينا إحنا الاتنين بطلوا تثيروا فتنة بينها وبين زملاؤها في الوسط وصناع أغانيها وأبعدوها عن دائرة التوتر والخلافات”.
الجمهور يهاجم الملحن محمد رحيم بسبب عدم كتابة اسم شرين عبد الوهاب
ومن الجدير بالذكر، سبق ونشر محمد رحيم، مقطع فيديو لـ طفل روسي يغني أغنية الوتر الحساس لشيرين عبدالوهاب، عبر حسابه الشخصي بموقع X، وكتب عليه: “توصيل الموسيقى بتاعتنا لكل دول العالم حلم كان في دماغي من بداياتي واشتغلت عليه من قلبي، وكل ما بشوفه يتحقق بحمد ربنا من كل قلبي وبفرح أوي علشان إحنا نقدر نعمل كل حاجة إن شاء الله، طفل روسي يغني الوتر الحساس بالعربي”.
وتعرض محمد رحيم للهجوم والانتقادات، بسبب عدم كتابته اسم شيرين عبد الوهاب، عند ذكر اسم أغنية الوتر الحساس.
