كتب شادي يوسف
أطلق الإعلامي هاني حتحوت العديد من التصريحات الهامة وذلك على لسان أحمد سيد زيزو جناح نادي الزمالك بعد الاستفسار منه عن مستقبله.
هاني حتحوت يعلن موقف زيزو
وكشف الإعلامي هاني حتحوت، عن تطورات جديدة بشأن مصير أحمد مصطفى زيزو لاعب الزمالك ومنتخب مصر، في ظل حالة الجدل المُثارة خلال الأيام الأخيرة حول اقتراب اللاعب من الانضمام لصفوف النادي الأهلي، خلال فترة الانتقالات الصيفية المقبلة، خصوصًا في ظل انتهاء عقد ‘زيزو’ مع الزمالك بنهاية الموسم الجاري.
وقال هاني حتحوت تفاصيل مكالمة جمعته بأحمد سيد زيزو لاعب الزمالك، وجاء نصها: ‘أنا بتمرن كل يوم مع الزمالك، هاحارب لآخر وقت، وهسيب الموضوع ماشي لحد ما يخلص منهم، مشي أنا معاهم، وجدوا حل خير وبركة، أنا بحترم النادي وبحترم أكل عيشي، ولحد اخر لحظة لي داخل النادي هاتمرن، سواء كانت بعد كام شهر أو مددنا العقد”.
وأضاف “لم أوقع للأهلي وماليش دعوة بابا وقع على آيه وخد شيكات ولا لأ، لو كنت خلصت فعلا، كنت ليه هسافر جنوب افريقيا 17 ساعة قاعد بين اثنين معرفهمش، وكنت هامسك رجلي ومش هادعي الإصابة أنا فعلا ‘رجلي وجعاني’ وانا اكتر لاعب بشارك في الماتشات.. انا اصلا محتاج راحة ع الاقل 3 اسابيع.. دا غير ركبتي إللي مبعرفش اطلع السلم منها”.
وأوضح “‘الأهلي نادي محترم، وحقي أن ألعب معاهم، وعلى فكرة التاريخ مش بيتمسح.. طلبت من الزمالك شيكات مكتوبة علشان أضمن حقي، لأن العقد شريعة المتعاقدين، هل هذا غير طبيعي.. هل أي حد يديني وعد ممكن ميبقاش موجود“.
وتابع “عربيتي كانت هتتسرق من النادي واتعمل حادثة، وممدوح عباس قال لي متعملش المحضر، وعربيتي في التوكيل وممدوح عباس كان المفروض يدفع، لكن روحت دفعت الـ3 مليون جنيه من جيبي، علشان انهي الموضوع، وممدوح قال لما زيزو يخلص قصته مع الزمالك”.
واختتم “مش هامسك ورقة وامضي إلا لما احسم موضوع الزمالك، مفيش حاجة اسمها توكيل عام في عقود الكورة، ممكن في الاعلانات او العقود التجارية“.
