قال المحامي أحمد مهران، وأحد وكلاء الدفاع عن مروة يسري المعروفة إعلاميًا باسم “مروة بنت مبارك”، إن موكلته تُحاكم في قضية تهرب ضريبي بسبب تحويل مالي بقيمة 300 دولار أُودِع في حسابها دون علمها أو تصرف منها، واصفًا القضية بانها مهزلة قانونية.
أحمد مهران: مروة بنت مبارك تدفع ثمن 300 دولار لم ترها
وقال مهران في منشور عبر فيسبوك: “مروة بنت مبارك.. بتدفع ثمن حاجة عمرها ما استلمتها، النهاردة، تقدمنا بطلب للتصالح في قضية التهرب الضريبي، واتقدم الطلب من زميلتي الغالية الأستاذة هنادي حسان – المحامية بالنقض، بصفتنا وكلاء عنها، اتقدمنا رسميًا بطلب تصالح لمصلحة الضرائب عن موكلتنا مروة يسري، المعروفة إعلاميًا بـ مروة بنت مبارك”.
وتابع: “المضحك المبكي بقى إن القضية كلها بسبب 300 دولار دخلوا حسابها غصب عنها.. مروة لا شافِتهم ولا صرفِتهم، لكن للأسف اتحسبوا عليها وبقوا سبب في وجع ووجع رغم كده، وإكرامًا للقانون، هنكمل ونلتزم وندفع الفلوس علشان الدعوى الجنائية تنقضي ونخلص من الهم ده هل ده عدل؟ إزاي بنت مظلومة زي مروة تدفع ضريبة على فلوس ما وصلتهاش؟”.
وأكمل: “إزاي قانون يتحول لأداة خنق بدل ما يكون وسيلة عدل؟ إحنا دورنا واضح: مش هنسيبها، وهنفضل ندافع عنها لآخر نفس، وهندفع عنها الضريبة دي علشان نقفل الملف ده ونفتح باقي الملفات اللي وراها، لحد ما نثبت براءتها ونرجّع لها حقها كامل، يا سادة، الموضوع مش فلوس.. الموضوع سمعة، وكرامة، وبنت بتتظلم في وضح النهار، ربنا يقدرنا ونكون سبب في إنقاذها.. ولسه المعركة ما خلصتش”.
اقرأ أيضًا: «لا تمتلك أي دليل».. قانوني يكشف تفاصيل التحقيق مع «مروة بنت مبارك»
