وجهت الإعلامية والكاتبة الصحفية نشوى الحوفي، رسالة لأفراد المجتمع المصري، مفادها: «حاولوا تكونوا مع الناس اللي مش قادرة تشتري طلبات البيت وهي في الأسواق.. حاولوا تدفعولها».
وكتبت نشوى تدوينة عبر صفحتها الشخصية على موقع التواصل الاجتماعي «فيسبوك»: «بص على غيرك.. وانت في السوق أو في سوبر ماركت بص على الناس اللي حواليك وبتشتري جنبك.. خلي بالك حتلاقي ناس فجأة ارتبكت لأن الحساب أكتر من اللي معاها… او ناس معاها طفل اشتهى حاجة وما كانش معاها فلوسها ..وناس مشيت بعد ما عرفت السعر ولقيته اكتر من إمكانياتها».
وأكملت نشوى: «اللحظة دي أقوى لحظة تكسب فيها مشاعر سكينة.. اللحظة دي اربح تجارة مع اللي خلقك.. إدفع للي عجز يشتري.. كمل بسرعة للي نقصت فلوسه.. هادي الطفل وانت بتضحك وتهزر معاه.. واعمل ده وانت بتتصرف بهدوء وصوت واطي وبسرعة وكأن ده طبيعي وانت نفسك مريت بيه.. وامشي بسرعة وأنهي الموقف عشان ما يتكسفش».
وأوضحت نشوى: «آه.. ما تنساش وإنت ماشي لوحدك تشكر ربك لأنه خلاك سبب جبر خاطر.. وادعيه يديمك سبب.. لأنك مجرد سبب».